2 Samuel 21:22 - Manobo Western Bukidnon OT

²² Haazà is heepat he utew dezekelà he menge Filistihanen he menge kevuwazan te menge Rafa he tig-Gat. Mibpenhimetayan sikandan ni David wey te menge sakup din.

2 Samuel 21:22 ပူးပေါင်းရင်းမြစ်များ

2 Samuel 21:16

Si Ishbi Benob he Filistihanen, utew zekelà he etew; sevaha sikandin he menge kevuwazan te menge Ripanhen, ne egkesuatan din te edhimatey si David. Is purù te vangkew zin ne brunsi ne heepat he kilu is keveǥat dutun, ne zuen daan beǥu he ispada zin.

2 Samuel 21:21

Hein mid-undaunda zin is menge Israilihanen, ne midhimetayan sikandin ni Jonatan he anak te suled ni David he si Simea.

1 Cronica 20:8

Haazà he menge Filistihanen he menge kevuwazan te menge Rafa he tig-Gat. Mibpenhimetayan sikandan ni David wey te menge sakup din.

Salmo 108:13

Ebpekezaag key pinaaǥi te tavang nu, He Megbevayà, su edaaǥen nu is menge kuntada zey.

Salmo 118:15

Pemineǥa is ked-ugyab te menge etew te Megbevayà diyà te menge kampu zan tenged te kezeeǥan dan: “Heini he kezeeǥan mibeelan te Nengazen pinaaǥi te ǥehem din! Is gehem te Nengazen iyan mibpezaag kenitew!”

Salmo 60:12

He Megbevayà, ebpekezaag key pinaaǥi te tavang nu, su iyan ka ebpekezaag te menge kuntada.

Megwewali 9:11

Duen pa neehè ku kayi te kelibutan: kenà is langun he mezesen he ebpelelaǥuy he ebpekezaag te lumbà, wey kenà is langun mezesen he ebpekezaag te tebek. Kenà is langun he uluwanen he ebpekaahà te igkeuyag-uyag dan, kenà is langun he uluwanen ne edsepian. Su egkeseǥazan te uman sevaha he etew is imbanglis kandin.

Jeremias 9:23

Migkaǥi pa is Nengazen te, “Kenà ereg he ibpahambug te uluwanen is ketau zin, wey is desen din emun mezesen sikandin, wey is ketiǥeyunan din emun sepian sikandin.

Josue 14:12

Umbe, iveǥey nu kediey is menge vuvungan he insaad kediey te Nengazen. Iyan ka mismu nekezineg dengan he iyan menge meǥinged kayi is menge kevuwazan ni Anak ne melig-en is menge inged dan he miberengbeng. Piru pinaaǥi te tavang te Nengazen edsegseǥen ku sikandan keniyan he tanà su iyan heeyan insaad din kediey.”