2 Samuel 21:17 - Manobo Western Bukidnon OT

¹⁷ Meupiya su nekeuma si Abishai he anak ni Zeruya is edtavang ki David, ne nepatey zin haazà is Filistihanen. Ne migkeǥiyan si David te menge sakup din te, “Kenè key en ebpemineg ke ed-uman ka eduma kenami te kebpekidtebek. Iring ka te sulù te Israel, ne kenè key egkesuat he maawè ka.”

2 Samuel 21:17 ပူးပေါင်းရင်းမြစ်များ

2 Samuel 14:7

Ne zutun nemenhendiyà is langun he menge kezuzumahi ku he egkaǥi te, ‘Iveǥey nu kenami heeyan is anak nu, su edhimetayan dey sikandin su midhimetayan din is suled din. Kenà engayan sikandin he ebpengevilin te ketiǥeyunan te amey zin.’ Emun ebeelan dan heini, egkaawà kayi te kedì is nesamà he anak ku he iyan dà edseriǥan ku he ebpekeuǥup kedì, wey egketazin en is ngazan te esawa ku kayi te kelibutan.”

2 Samuel 18:2

Ne impehipanew zin sikandan he tetelu he vahin. Si Joab is egalen te sevaha, si Abishai he suled ni Joab is egalen te ikezuwa, ne si Itai he tig-Gat is egalen te iketelu. Migkeǥiyan sikandan ni Hadì David te, “Iyan ad eduma keniyu te kebpekidtebek niw.”

2 Samuel 18:3

Midtavak haazà is menge sakup din te, “Kenè en kinahanglan he meduma ke pa kenami. Su kenè key en idtetenged te menge kuntada ke ebpelaǥuy key, wey edhimetayan dan is ketengà kenami. Iyan dan pa ganì egkesuatan he iyan ke zan mepatey kenà ke iyan heini is tig-10,000 kayi te kenami. Umbe meupiya pa ke kayi ke zà pelintetaǥak te inged ne peuwiti key zà ke hengkey is igketavang nu kenami.”

2 Samuel 22:19

Midsurung e zan hein egkereǥenan a, piru mid-uǥupan a kenikew, Nengazen.

2 Samuel 22:29

Nengazen, iyan ka kerayag ku. Emun merusirem, ne iyan ka sulù ku.

1 Hadì 11:36

Ebeǥayan ku te sevaha he tribu is anak din su para mekepedayun te kedhadì is menge kevuwazan te suluǥuen ku he si David diyà te Jerusalem he iyan kes inged he mibpilì ku he zutun a ebeǥayi te zengeg.

1 Hadì 15:4

Piru tenged ki David, intuǥut te Nengazen he Megbevayè din he mahadì diyà te Jerusalem is kevuwazan din pinaaǥi te kebeǥey kandin te anak he ebpekeilis kandin te kedhadì he edlig-en te Jerusalem.

Salmo 132:17

Ibpahadì ku ziyà te Zion is hadì he kevuwazan ni David ne egkeiring sikandin te sulù he kenà egkeevukan.

Salmo 144:10

Kenikew he ketau he mekezaag is menge hadì ne midluwas nu si David te kemetayen.

Salmo 46:1

Is Megbevayà iyan ebpengalang kenitew wey iyan ebeǥey kenitew te zesen. Ne layun sikandin andam he edtavang emun timpu te kelised.

Jeremias 40:15

Ne hein neipus haazà, nekidhinguma si Johanan ki Gedalia te meeles ne ke sikandin te, “Edhimetayan ku si Ishmael te meeles. Su kenà meupiya ke ebey-anan dà sikandin is edhimatey kenikew. Su egkehimu heini he hinungdan te kebpekepeyapat wey kegkengetazin te menge Judio he nesamà kayi te Juda he midumala nu.”