2 Samuel 21:16 - Manobo Western Bukidnon OT

¹⁶ Si Ishbi Benob he Filistihanen, utew zekelà he etew; sevaha sikandin he menge kevuwazan te menge Ripanhen, ne egkesuatan din te edhimatey si David. Is purù te vangkew zin ne brunsi ne heepat he kilu is keveǥat dutun, ne zuen daan beǥu he ispada zin.

2 Samuel 21:16 ပူးပေါင်းရင်းမြစ်များ

Genesis 14:5

Ne zutun te ike-14 he tuig, mibpengayew si Kedorlaomer wey is menge zuma zin he hadì, ne midtebek dan wey nengezaag dan is menge Ripanhen diyà te Ashterot Karnaim, is menge Zuzhanen diyà te Ham, is menge Emhanen diyà te menge suǥud te Kiryataim,

Genesis 6:4

Ne zutun he timpu hein neked-esawa is menge anak te Megbevayà wey is menge vahi he anak te etew, pinaaǥi zutun duen in-anak dini te tanà he menge etew he egngezanan te Nefilim. Ne haazà is menge Nefilim, ne utew menge ǥemhanan he etew ne utew zan nengevantug dengan.

2 Samuel 21:18

Nepasad dutun, mid-uman en maan medtebek is menge Filistihanen wey menge Israilihanen, ne ziyà heini meulaula te Gob. Kayi he tebek ne nepatey ni Sibecai he tig-Husha si Saf he sevaha te menge kevuwazan te menge Ripanhen.

2 Samuel 21:20

Mid-uman en maan medtebek is menge Filistihanen wey menge Israilihanen; diyà heini meulaula te Gat. Kayi he tebek, duen etew he utew zekelà, he tig-heenem is kemer te kada velad wey paa zin. Sevaha zaan sikandin he menge kevuwazan te menge Rafa.

2 Samuel 21:22

Haazà is heepat he utew dezekelà he menge Filistihanen he menge kevuwazan te menge Rafa he tig-Gat. Mibpenhimetayan sikandan ni David wey te menge sakup din.

2 Samuel 5:18

Dutun, migkampu is menge Filistihanen diyà te menge Suǥud he Refaim.

Numero 13:22

Mibpuun sikandan diyà te Negev taman te nekeuma zan diyà te Hebron, he zutun ed-ubpà si Ahiman, si Sheshai, wey si Talmai, he menge kevuwazan ni Anak. (Heini is Hebron pitu en he tuig is kebenguna zuen human pa mevangun is Zoan diyà te Ehipto).

Numero 13:28

Piru mekeǥeǥehem is menge etew he ed-ubpà duen, ne utew zezekelà is menge inged dan he nengeliǥuy te verengbeng. Neehè dey pa ganì is menge kevuwazan ni Anak.

Deuteronomio 1:28

Ebmenumenu kiw te kedlaus? Hein mibpelihandek kiw zuen te nemeniid duen te tanà. Migkaǥi sikandan he is menge etew ziyà memezesen wey memelangkew pa kenitew, ne dezekelà is menge inged dan he nengeliǥuy te verengbeng he henduen be te ebpekeume en diyà te langit is ketikang din. Ne neehè dan pa zutun is menge kevuwazan te eregasi he si Anak.’

Deuteronomio 2:10

(Dutun te nehuna he timpu ziyà te Ar med-ubpà is mahabet wey memezesen he menge etew he egngezanan te Emhanen. Memelangkew heini he menge etew iring te menge kevuwazan ni Anak.

Deuteronomio 2:11

Egngezanan daan sikandan te menge Ripanhen, iring te igngazan te menge kevuwazan ni Anak, piru egngezanan sikandan te menge Moabitanhen te menge Emhanen.

Deuteronomio 2:21

Ne mezakel heini sikandan, memezesen, wey memelangkew iring te menge kevuwazan ni Anak. Piru mibpengelinteuwan te Nengazen he mezaag sikandan te menge Amunihanen. Midsegseg sikandan te menge Amunihanen ne iyan sikandan mid-ubpà dutun he tanà.

Deuteronomio 3:11

(Si Hadì Og he hadì te Bashan iyan dà nesamà te menge kevuwazan te menge Ripanhen. Is putew he hizeǥaan din, 13 he ǥiek is kelayat din ne 6 he ǥiek is keluag din. Ne kemulu pa heeyan egkaahà diyà te Raba guntaan he inged te menge Amunihanen.)

Deuteronomio 9:2

Memezesen wey memelangkew is menge meǥinged duen he menge kevuwazan ni Anak! Netuenan niw man is mehitenged te menge kevuwazan ni Anak wey netudtulan kew he wazà ebpekesukul kandan.

Josue 11:22

Wazà kevuwazan ni Anak he nesamà diyà te lugar te menge Israilihanen gawas te ziyà te Gaza, Gat, wey ziyà te Ashdod.

Josue 15:14

Midsegseg ni Caleb puun dutun he tanà is tetelu he kevuwazan ni Anak he iyan is menge pemilya ni Sheshai, ki Ahinam, wey ki Talmai.

1 Samuel 17:7

Is bangkew zin ne meveǥat wey mekepal; is purù dà kayi he vangkew ne menge pitu he kilu is keveǥat. Ne edhuna kandin is tig-uwit te kelasag din.