2 Samuel 21:15 - Manobo Western Bukidnon OT

¹⁵ Neuma is timpu zutun he mid-uman medtebek is menge Filistihanen wey menge Israilihanen. Ne zutun te kebpekidtebek ni David wey te menge sakup din, ne utew sikandin neluǥat.

2 Samuel 21:15 ပူးပေါင်းရင်းမြစ်များ

2 Samuel 21:16

Si Ishbi Benob he Filistihanen, utew zekelà he etew; sevaha sikandin he menge kevuwazan te menge Ripanhen, ne egkesuatan din te edhimatey si David. Is purù te vangkew zin ne brunsi ne heepat he kilu is keveǥat dutun, ne zuen daan beǥu he ispada zin.

2 Samuel 5:17

Hein netuenan te menge Filistihanen he iyan si David nepilì he hadì te Israel, midtiǥum dan is langun he menge sundaru zan para te kedakep kandin. Piru netuenan ni David, umbe midhendiyà sikandin te sevaha he melig-en he kutà.

2 Samuel 5:22

Midlikuan te menge Filistihanen haazà is Suǥud he Refaim ne migkampu zan dutun.

2 Samuel 5:25

Umbe, midtuman ni David is insuǥù kandin te Nengazen, ne nengepatey zan is menge Filistihanen puun te Geba taman te Gezer.

2 Samuel 8:1

Hein huziyan he timpu nezaag ni David is menge Filistihanen ne nesakup din en sikandan. Naaǥew zin diyà te kandan is lugar he Meteg Ama.

1 Cronica 20:4

Ne kegkeipus dutun, mid-uman en maan medtebek is menge Filistihanen wey menge Israilihanen, ne ziyà heini meulaula te Gezer. Kayi he tebek ne nepatey ni Sibecai he tig-Husha si Sipai he sevaha te menge kevuwazan te menge Ripanhen. Ne nezaag is menge Filistihanen.

Salmo 71:18

Ne minsan pa te ebmeǥurang e en su ed-uvanen ad, ne kenà a kenikew pesegdana, Megbevayè ku, zutun te kebpenudtula ku te ǥehem nu wey zesen nu ziyà te huziyan he menge lapis te menge kevuwazan.

Salmo 71:9

Kena a kenikew engkezi emun meǥurang ad. Kenà a kenikew pesegdana emun meluya ad.

Salmo 73:26

Minsan edluyahan is lawa ku wey isip ku, iyan ka, Megbevayè ku, ebpuunan te zesen ku. Iyan ke zà egkinehenglanen ku taman te taman.

Megwewali 12:3

Egkeuma is andew he zutun ebpengerkeren en is menge vekelawan nu wey ebmeluye en is menge paa nu. Ne kenè en ebpekesepà is menge ngipen nu su pira zà he leǥas, ne is menge mata nu kenè en utew ebpekaahà.