2 Samuel 20:9 - Manobo Western Bukidnon OT

⁹ Migkeǥiyan din si Amasa te, “Egkemenumenu ke en suled?” Ne migewezan din te kewanan he velad din is sumpà ni Amasa, su uvag kun edhazek kandin.

2 Samuel 20:9 ပူးပေါင်းရင်းမြစ်များ

2 Samuel 15:5

Ne emun duen etew he ed-uvey kandin ne edluhud su edtahud kandin, egkepkepan din heini su iyan kegalewǥalew zin.

2 Samuel 17:25

Mibpilì ni Absalom si Amasa he in-ilis din ki Joab he iyan peremandar te menge sundaru. Heini si Amasa ne anak ni Jeter he Ismailihanen. Iyan iney zin si Abigail, he anak ni Nahash, te suled te iney ni Joab he si Zeruya.

2 Samuel 18:29

Mid-insà haazà is hadì te, “Kemuste en si Absalom? Wazè be sikandin memenu?” Midtavak si Ahimaaz te, “Hein impetawag a ni Joab he suluǥuen nu ne neehè ku he egkeǥuliyaved is menge etew piru wazè ku metueni ke hengkey haazà.”

2 Samuel 3:27

Hein diyè en si Abner te Hebron, miduma sikandin ni Joab diyà te pultahan te inged he iyan dan dà is dezuwa. Mid-ekalan din te zuen dan kun edlelaǥen. Hein nekeuma zan dutun midunggab ni Joab si Abner ziyà te getek su impenimales din is kedhimetayi ni Abner ki Asahel te suled din. Ne minatey si Abner.

Salmo 55:21

Menayù wey meupiya is kebpengaǥikaǥi zin, iyan, duen bes kedumut diyà te ǥehinawa zin, ne ibmesakit te ǥehinawa is menge lalag din, su iring heini te meǥarang he ispada.

Erubasa 26:23

Emun id-eles nu is mezaat diyà te ǥehinawa nu pinaaǥi te meupiya he kegkaǥikaǥi, iring ka te ziniyun he mibpekeplaan te pelata he kenà lunsey.

Erubasa 27:6

Is mesakit he kedawey te tutuu he emiǥu duen meupiya he ketuyuan, piru is hazek te kuntada kenà egkeseriǥan.

Jeremias 41:2

midhitindeg si Ishmael wey sikan is sepulù he etew, ne midhimetayan dan si Gedalia pinaaǥi te ispada. Umbe mibpatey sikan is midhimu te hadì te Babilonia he gubirnedur ziyà te Juda.

Micas 7:2

Is ibpesavut ku iyan is, wazè en neehè ku he etew kayi te Israel he mepezumdumahan te Megbevayà. Wazè en nesamà he metazeng he etew. Is kada sevaha, edtaǥad te meupiya he timpu te kegkehimetayi zin te zuma zin he meǥinged, iring te etew he edtaǥad te kegkeutela zin te langgam he edhingutelen din.

Zatù 3:15

Piru, hein mibuyù en maan te tavang is menge Israilihanen diyà te Nengazen, ne mibeǥayan din sikandan te sevaha he etew he ebpekelibri kandan. Iyan sikandin kes givang he si Ehud he anak ni Gera he ebpuun diyà te tribu ni Benjamin. Impehendiyà sikandin te menge Israilihanen te Moab su wey zin ikeveǥey is buhis te Israel ziyà te ki Hadì Eglon.