2 Samuel 20:7 - Manobo Western Bukidnon OT

⁷ Ne migenat si Abishai puun te Jerusalem su edleyasen din si Sheba he anak ni Bicri. Miduma zin si Joab wey is menge sakup din, is menge vantey ni David he menge Kiritnen wey menge Pilitnen, wey is langun he menge memevurut he menge sundaru.

2 Samuel 20:7 ပူးပေါင်းရင်းမြစ်များ

2 Samuel 15:18

Ne impehuna ni David is langun he menge sakup din, wey is langun he ebantey kandin he menge Kiritnen wey menge Pilitnen. Ne edsunud daan is 600 he Gitanhen he miduma kandin he ebpuun diyà te Gat.

2 Samuel 20:23

Iyan egalen te menge sundaru te tivuuk he Israel, si Joab. Is pengulu te tigbantey ki David he menge Kiritnen wey menge Pilitnen, iyan si Benaya he anak ni Jehoyada.

2 Samuel 8:16

Ne iyan pengulu te menge sundaru zin, si Joab he anak ni Zeruya. Ne iyan midseriǥan te menge libru te ginhedian din, si Jehoshafat he anak ni Ahilud.

2 Samuel 8:18

Is pengulu te tigbantey ki David he menge Kiritnen wey menge Pilitnen, iyan si Benaya he anak ni Jehoyada. Ne is menge anak ni David he menge maama, iyan megsesambag din.

1 Hadì 1:33

ne migkaǥi haazà is hadì diyà te kandan te, “Ipeuntud niw sikan is anak ku he si Solomon duen te kudè ku, ne zumaha niw sikandin diyà te Gihon ragkes is menge upisyal ku.

1 Hadì 1:38

Umbe, migenat si Zadok he memumuhat, si Natan he ebpeneuven, si Benaya he anak ni Jehoyada, wey is menge tigbantey ni David he menge Kiritnen wey menge Pilitnen. Impeuntud dan si Solomon diyà te kudà ni Hadì David ne miduma zan diyà te Gihon.

1 Hadì 1:44

Impehendiyè din si Solomon te Gihon duma si Zadok he memumuhat, si Natan he ebpeneuven, si Benaya he anak ni Jehoyada, wey is menge tigbantey zin he menge Kiritnen wey menge Pilitnen. Impeuntud dan pa ganì si Solomon te kudà duen te hadì.

1 Samuel 30:14

Midsurung dey is sakup te Negev he mid-ubpaan te menge Kiritnen, he sakup te Juda, wey apil pa is sakup te Negev he ed-ubpaan te menge kevuwazan ni Caleb. Ne mibinsulan dey zaan is Ziklag.”