2 Samuel 20:23 - Manobo Western Bukidnon OT

²³ Iyan egalen te menge sundaru te tivuuk he Israel, si Joab. Is pengulu te tigbantey ki David he menge Kiritnen wey menge Pilitnen, iyan si Benaya he anak ni Jehoyada.

2 Samuel 20:23 ပူးပေါင်းရင်းမြစ်များ

2 Samuel 20:7

Ne migenat si Abishai puun te Jerusalem su edleyasen din si Sheba he anak ni Bicri. Miduma zin si Joab wey is menge sakup din, is menge vantey ni David he menge Kiritnen wey menge Pilitnen, wey is langun he menge memevurut he menge sundaru.

2 Samuel 23:20

Duen pa sevaha he mevurut he etew he egngezanan ki Benaya. Tig-Kabzeel sikandin, ne iyan amey zin si Jehoyada. Mibaal sikandin te wazè din iring he menge vaal, ragkes en is kedhimetayi zin te zezuwa he ventuǥan he sundaru te Moab. Duen timpu he zutun mibpendal-as din is erimaung minsan ebpenggiyew wey melandeg, ne mibpeneuǥan din duen te budsi ne midhimetayan din haazà is erimaung.

2 Samuel 8:15

Nehimu he hadì si David te tivuuk he Israel ne mibeelan din is metazeng wey hustu para te langun he menge etew zin.

1 Hadì 1:7

Mibpekidlalag si Adonia ki Joab he anak ni Zeruya wey ki Abiatar he memumuhat bahin te pelanu zin he kedhadì, ne mid-uyun sikandan te ked-uǥup kandin.

1 Hadì 1:8

Piru wazà mulà meduyug kandin si Zadok he memumuhat, si Benaya he anak ni Jehoyada, si Natan he ebpeneuven, si Shimei, si Rei, wey is menge vantey ni David.

1 Hadì 4:1

Midhadì si Solomon diyà te tivuuk he Israel.

2 Hadì 11:4

Ne hein ikepitu he tuig, impetawag te memumuhat he si Jehoyada is menge peremandar te menge vantey te hadì wey is menge perevantey te turuǥan he medhendiyè dan te valey te Nengazen. Ne zuen neuyunan dan ne impepenangdù din sikandan diyà te valey te Nengazen. Ne hein nepasad impeehè din kandan is anak te hadì.