2 Samuel 20:21 - Manobo Western Bukidnon OT

²¹ Kenè dey heeyan tuyù. Iyan dey edleyasen si Sheba he anak ni Bicri he ebpuun diyà te vuvungan te Efraim. Iyan heini midsukul ki Hadì David. Iveǥey niw sikandin kenami ne ed-awè key kayi te inged niw.” Migkaǥi haazà is bahi te, “Idtimbag dey ziyà te kenikew is ulu zin puun kayi te seled te verengbeng.”

2 Samuel 20:21 ပူးပေါင်းရင်းမြစ်များ

2 Samuel 20:1

Duen sevaha he etew he tig-Benjamin he layun dà ebpen-ahà te samuk. Iyan ngazan din si Sheba, he anak ni Bicri. Impezaǥing din is budyung ne ebpengulahì te, “Menge tig-Israel, wazè tew lavet ki David he anak ni Jesse! Ebpen-ulì kiw is langun!”

2 Samuel 20:2

Ne zutun nemenggenat haazà is menge tig-Israel ne mid-ewaan dan si David ne miduma zan ki Sheba he anak ni Bicri. Piru is menge tig-Juda ne wazè dan ewai is hadì dan, ne midumahan dan puun dutun te Wahig he Jordan pehendiyà te Jerusalem.

2 Samuel 20:20

Midtavak si Joab te, “Kenè ku egkesuatan te edrundus is inged niw!

2 Samuel 23:18

Si Abishai he suled ni Joab, he anak ni Zeruya iyan pengulu zutun te 30 he mevurut he menge sakup ni David. Nekepatey sikandin te 300 he menge Filistihanen pinaaǥi te vangkew zin. Umbe, nehimu he nevantug sikandin he iring duen te tetelu he mevurut he menge etew.

1 Hadì 11:26

Is sevaha pa he nekigkuntada ki Solomon iyan si Jeroboam he sevaha te menge upisyal zin. Ebpuun sikandin diyà te inged he Zereda ziyà te Efraim. Is amey zin he si Nebat minatey en, piru is iney zin he si Zerua uuyag pa.

2 Hadì 10:7

Ne hein nekeuma is surat ni Jehu, migkuwa zutun he menge etew sikan is 70 he kevuwazan duen te hadì ne mibpenhimetayan dan. Intaǥù is menge ulu kayi he menge etew ziyà te menge baskit ne impeuwit dan diyà te ki Jehu ziyà te Jezreel.

2 Hadì 5:22

Midtavak si Gehazi te, “Wazà. Midsuǥù e zà te egalen ku te kegkaǥi ziyà te kenikew he zuen nekeuma he zezuwa he menge vetan-en he sakup te grupu te menge ebpeneuven, he ebpuun diyà te vuvungan te Efraim. Ne edhangyù is egalen ku ziyà te kenikew te 35 he kilu he pelata wey zezuwa he lukut he visti.”

Jeremias 4:15

Is kezeetan niw midtudtul en te menge menunudtulà puun te Dan pehendiyà diyà te vuvungan te Efraim.

Jeremias 50:19

Piru ibpelikù ku is menge Israilihanen diyà te nasyun dan. Ne egkeiring dan te menge kerehidu; egkaan sikandan te egkeraǥun dan puun te Carmel, te Bashan, wey ziyà te vuvungan te Efraim wey Gilead, ne egkeperahan sikandan.

Josue 24:33

Minatey zaan si Eleazar is anak ni Aaron ne inleveng diyà te Gibea, kes inged diyà te vuvungan te Efraim he imbeǥey ziyà te anak din he si Finehas.

Zatù 2:9

Inleveng sikandin diyà te tanè din diyà te Timnat Heres, diyà te vuvungan te Efraim he egkezizaya te Buntud he Gaash.

Zatù 7:24

Midsuǥù daan si Gideon te menge menunudtulà diyà te menge meǥinged diyà te vuvungan te Efraim wey zan mekeǥiyi he ventayi zan is Wahig he Jordan taman te wahig he Bet Bara su para kenà mekelayun is menge Midianhen. Ne midtuman heini te langun he maama he kevuwazan ni Efraim ne mibentayan dan haazà he menge lugar.

Zatù 9:55

Ne hein naahà te menge Israilihanen he minatey en si Abimelec, nemen-ulì sikandan.

1 Samuel 24:6

Migkeǥiyan din is menge sakup din te, “Deyzey pezem ke kenà medtuǥut is Nengazen he mekevaal a te kenà meupiya ziyà te egalen ku, he mibpilì te Nengazen he edhadì.”

1 Samuel 26:9

Midtavak ni David si Abishai te, “Kenè nu himetayi sikandin! Su edsilutan te Nengazen is edhimatey te mibpilì din he hadì.