2 Samuel 20:11 - Manobo Western Bukidnon OT

¹¹ Duen sevaha he sakup ni Joab ne midhitindeg dutun te minatey he lawa ni Amasa, he migkaǥi ziyà te menge sakup ni Amasa te, “Emun diyè kew edapig te ki Joab wey ki David, ne sunud kew en ki Joab!”

2 Samuel 20:11 ပူးပေါင်းရင်းမြစ်များ

2 Samuel 20:12

Nekesesavuk is lawa ni Amasa zutun te teliwazà te zalan he nepurung melupit te lengesa zin. Kada zuen ebayà dutun he ebpekaahà kandin ne edteren su ed-ahà. Ne hein netuenan heini te sakup ni Joab, ne miguyud din haazà is minatey he lawa ni Amasa puun dutun ne ziyè din uwita te vevesukà, ne midtembunan din te malung.

2 Samuel 20:13

Hein naawè en dutun is lawa ni Amasa te dalan, ne nemenlaus dan is langun he edsunud ki Joab he edlayas ki Sheba.

2 Samuel 20:21

Kenè dey heeyan tuyù. Iyan dey edleyasen si Sheba he anak ni Bicri he ebpuun diyà te vuvungan te Efraim. Iyan heini midsukul ki Hadì David. Iveǥey niw sikandin kenami ne ed-awè key kayi te inged niw.” Migkaǥi haazà is bahi te, “Idtimbag dey ziyà te kenikew is ulu zin puun kayi te seled te verengbeng.”

2 Samuel 20:4

Ne zutun migkeǥiyan dutun te hadì si Amasa te, “Umawa nu is langun he menge sundaru te Juda ne pehendiyè kew te kedì te iketelu he andew puun guntaan.”

2 Hadì 9:32

Midlingahà si Jehu zutun te sulawà ne mid-insà sikandin te, “Duen be ziyan te zivavew edlavan kedì?” Duen dezuwa etawa tetelu he upisyal he mibpantew kandin dutun te sulawà.