2 Samuel 2:28 - Manobo Western Bukidnon OT

²⁸ Ne impezaǥing ni Joab is budyung ne midteren is langun he menge sakup din he edal-as te menge tig-Israel. Ne zutun neengked is tebek.

2 Samuel 2:28 ပူးပေါင်းရင်းမြစ်များ

2 Samuel 18:16

Ne zutun impezaǥing ni Joab is budyung he tuus te ibpeengked en te edlayas is menge sundaru zin te menge sundaru te Israel.

2 Samuel 2:27

Midtavak si Joab te, “Emun wazè ka megkaǥi, ibpesarig ku kenikew, kayi te etuvangan te uuyag he Megbevayà, ne edel-asen ka pezem te menge sakup ku taman te egkepawà.”

2 Samuel 20:22

Ne zutun mibeyaan dutun te vahi is menge meǥinged dutun te inged ne midtudtulan din sikandan te planu zin. Mibpungelan dan te ulu si Sheba ne intimbag dan diyà te ki Joab. Ne segugunà impezaǥing ni Joab is budyung ne mid-awè dan dutun te inged duma is menge sakup din ne mid-ulì dan. Ne midlikù si Joab diyà te Jerusalem.

2 Samuel 3:1

Iyan haazà puunà te meluǥayad he tebek te edapig ki Saul wey te edapig ki David. Ed-iseg ebmelig-en is grupu ni David ne ebmeluya mulà is grupu ni Saul.

1 Samuel 13:3

Ne zutun midsurung ni Jonatan is kampu te menge Filistihanen diyà te Gibea, ne nezineg heini te zuma he menge Filistihanen. Umbe mibmandar si Saul te ipezaǥing is menge budyung te tivuuk he Israel para maandam is menge Israilihanen para te tebek.