2 Samuel 2:22 - Manobo Western Bukidnon OT

²² Mid-uman megkaǥi si Abner ki Asahel te, “Engkezi ad kenikew te edlayas! Kenà a kenikew peǥesa te kedhimatey kenikew. Egkeeled a he ebpekid-etuvang te suled nu he si Joab emun egkepatey ku sikew.”

2 Samuel 2:22 ပူးပေါင်းရင်းမြစ်များ

2 Samuel 2:21

Ne migkeǥiyan ni Abner sikandin te, “Kenè e en kenikew leyasa, iyan nu en leyasa haazà is duma ku he sundaru, ne eǥawa nu is menge ǥumaan din.” Piru wazà mebpemineg si Asahel.

2 Samuel 3:27

Hein diyè en si Abner te Hebron, miduma sikandin ni Joab diyà te pultahan te inged he iyan dan dà is dezuwa. Mid-ekalan din te zuen dan kun edlelaǥen. Hein nekeuma zan dutun midunggab ni Joab si Abner ziyà te getek su impenimales din is kedhimetayi ni Abner ki Asahel te suled din. Ne minatey si Abner.

Erubasa 29:1

Is etew he kenà ebpezumazuma minsan layun en edewaya, ne iyan egkepengkusan din is egkerumpak sikandin diyà te kezeetan ne wazè en paaǥi wey meǥaud sikandin dutun.

Megwewali 6:10

Dengdengani zà is kegketueni te Megbevayà te langun, ne netuenan din en ke hengkey is egkehitavù kenitew. Umbe kenè tew egkevarew is imbanglis kenitew te Megbevayà, su mezesen pa sikandin kenà kenitew.

1 Samuel 19:17

Migkeǥiyan ni Saul si Mical te, “Maan is midlimbungan a kenikew ne impepelaǥuy nu is kuntada ku?” Midtavak si Mical te, “Migkeǥiyan e zin te edhimetayan e zin emun kenè ku sikandin edtevangan he mekepelaǥuy.”