2 Samuel 2:18 - Manobo Western Bukidnon OT

^18-19 Ne zutun, is tetelu he anak ni Zeruya he si Joab, Abishai, wey si Asahel nekezuma te tebek. Si Asahel utew meǥaan he ebpelelaǥuy he henduen te selazeng, ne midal-as din si Abner he wazà kedlilingey.

2 Samuel 2:18 ပူးပေါင်းရင်းမြစ်များ

2 Samuel 1:23

Utew mibmahal te menge Israilihanen si Saul wey si Jonatan su nesuatan dan sikandan. Wazè dan mekedsuwey taman te kemetayen dan. Diyà te tebek, henduen be te meǥaan pa sikandan te vanug wey mezesen dan pa te erimaung.

2 Samuel 14:1

Netuenan ni Joab he anak ni Zeruya he ebulungen si Hadì David ki Absalom.

2 Samuel 22:34

Edlig-enan nu is menge paa ku iring te paa te selazeng, para mezesen a he ebpenekezeg diyà te metikang he menge lugar.

2 Samuel 23:24

Iyan heini menge sakup te 30 he menge mevurut he menge etew: Si Asahel he suled ni Joab; si Elhanan he anak ni Dodo he tig-Betlehem;

1 Hadì 2:5

“Heini pa is pemilinbilin ku kenikew: Netuenan nu ke hengkey is mibeelan ni Joab he anak ni Zeruya kayi te kedì dutun te kedhimetayi zin te zezuwa he peremandar te menge sundaru te Israel he si Abner he anak ni Ner wey si Amasa he anak ni Jeter. Midhimetayan din sikandan he henduen be te menge kuntada, piru mibeelan din haazà te timpu he wazà tebek. Iyan sikandin duen din televaken te kemetayen dan.

1 Cronica 11:26

Iyan heini menge memetau he menge sundaru: si Asahel he suled ni Joab; si Elhanan he anak ni Dodo he tig-Betlehem,

1 Cronica 12:8

Duen daan menge etew he ebpuun te tribu ni Gad he miduma ki David diyà te melig-en he elesà diyà te sibsivayan. Mevurut sikandan he menge sundaru ne iyan layun egemiten dan is kelasag wey vangkew. Iring sikandan kevurut te menge erimaung wey iring sikandan keǥaan te selazeng diyà te menge vuvungan:

1 Cronica 12:9

si Ezer ne iyan pengulu zan, si Obadias is ikezuwa; si Eliab is iketelu;

1 Cronica 27:7

Si Asahel he suled ni Joab, ne iyan peremandar te menge sundaru te ikeepat he vulan. Is anak din he si Zebadia iyan mid-ilis kandin. Ne 24,000 he menge sundaru is diyà te grupu zin.

Salmo 18:33

Edlig-enan nu is menge paa ku iring te paa te selazeng, para mezesen a he ebpenekezeg diyà te metikang he menge lugar.

Megwewali 9:11

Duen pa neehè ku kayi te kelibutan: kenà is langun he mezesen he ebpelelaǥuy he ebpekezaag te lumbà, wey kenà is langun mezesen he ebpekezaag te tebek. Kenà is langun he uluwanen he ebpekaahà te igkeuyag-uyag dan, kenà is langun he uluwanen ne edsepian. Su egkeseǥazan te uman sevaha he etew is imbanglis kandin.

Solomon 2:17

Dutun te kenè pa egkeriwaswas wey kenè pa egkaawà is merusirem, ne likù ke en, pelanggè ku. Likù ka he iring keǥaan te selazeng diyà te vuvungan.

Solomon 8:14

Gaanggaan ka hendini te kediey, pelanggè ku, he iring keǥaan te selazeng he edlinglingketew ziyà te menge vuntud he neeneb te menge pinemula he ebeelan he pehemut.

Amos 2:14

Umbe, minsan is mezesen he ebpelelaǥuy keniyu, ne kenà ebpekepelaǥuy, is mezesen ebmeluya, ne is menge sundaru, kenè dan egkelibri is keugelingen dan.

Habakuk 3:19

Iyan sikandin mibeǥey kedì te zesen. Midlig-enan din is menge paa ku, in-iring din te paa te selazeng su wey ku metekezeg is metikang he menge lugar.”

1 Samuel 26:6

Migkeǥiyan ni David si Abimelec he Hitihanen wey si Abishai he anak ni Zeruya wey suled ni Joab te, “Hentei keniyu is eduma kedì te edhendutun te kampu ni Saul?” Midtavak si Abishai te, “Iyan a eduma.”