2 Samuel 2:14 - Manobo Western Bukidnon OT

¹⁴ Ne migkeǥiyan ni Abner si Joab te, “Ibpedtebek ta is duma he menge ventuǥan he sundaru ta kayi te etuvangan ta.” Midtavak si Joab te, “Uya!”

2 Samuel 2:14 ပူးပေါင်းရင်းမြစ်များ

2 Samuel 2:15

Dutun midhitindeg is 12 he menge sakup ni Ishboshet he ebpuun te tribu ni Benjamin para ebpekidtebek wey is 12 zaan he sakup ni David.

2 Samuel 2:16

Midhitindeg dan ne mibpeǥewǥewezè dan diyà te ulu ne mibpezungdunggavey zan taman te naamin dan mebpematey. Umbe iyan ngazan dutun he lugar te Gibeon is Helkat Hazurim.

2 Samuel 2:17

Ne zutun mibpurung medtebek haazà is dezuwa he grupu. Te haazà he andew nezaag si Abner wey is menge sakup te Israel te menge sakup ni David.

2 Hadì 14:8

Ne sevaha he andew, midsuǥù ni Amazia ziyà te hadì te Israel he si Jehoash he anak ni Jehoahaz he apù ni Jehu is menge menunudtulà. Ne midhinggat din si Jehoash he ebpetebekè dan.

Erubasa 10:23

Is igkelipey te tulebung iyan is kebaal te mezaat, piru is igkelipey te etew he zuen din kedsavut iyan is kebpengungubpaan duma is ketau.

Erubasa 17:14

Is puunà te kesevaan, ne iring te zeisey he vudsi ziyà te teleǥuey te wahig; umbe edsengsengen heini te wazè pa medekelà.

Erubasa 20:18

Emun duen ebpelenuwen nu, kinahanglan he ebpekisambag ka ziyà te zuma. Kenè ka hendiyà te tebek emun wazè ka mebpesambag diyà te zuma.

Erubasa 25:8

Emun duen egkeehè nu, kenè nu segugunà isumbung diyà te hukmanan su emun duen ebpekepenistiǥus he igkepeletew zin he nesayep ka ne zutun egkepeel-elezan ka.