2 Samuel 19:43 - Manobo Western Bukidnon OT

⁴³ Midtavak haazà is menge etew te Israel te, “Sepulù key he tribu is diyà te Israel, umbe kesepulù edubliya is ketenged dey keniyan te hadì kenè kew. Maan is ibpekevavè key keniyu? Iyan key man nehuna he migkaǥi he ibpelikù tew is hadì tew?” Piru kenà egkelewanan is menge etew ziyà te Juda, ne mesakit is kineǥiyan te menge etew te Juda kenà is menge etew te Israel.

2 Samuel 19:43 ပူးပေါင်းရင်းမြစ်များ

2 Samuel 19:14

Tenged kayi, neuwit ni David is langun he tig-Juda ne nesevaha is isip dan. Mibpeuwitan dan te lalag si David he egkaǥi te, “Sikew wey is langun he menge sakup nu, likù kew en kayi te kenami.”

2 Samuel 19:9

Nekedlelawan dutun is tivuuk he Israel. Ke sikandan te, “Midluwas kiw ni Hadì David diyà te menge kuntada tew he menge Filistihanen, piru mibpelaǥuy sikandin kayi te nasyun tew tenged dà ki Absalom.

2 Samuel 20:1

Duen sevaha he etew he tig-Benjamin he layun dà ebpen-ahà te samuk. Iyan ngazan din si Sheba, he anak ni Bicri. Impezaǥing din is budyung ne ebpengulahì te, “Menge tig-Israel, wazè tew lavet ki David he anak ni Jesse! Ebpen-ulì kiw is langun!”

2 Samuel 20:6

Umbe, migkeǥiyan te hadì si Abishai te, “Tuwas pa he mezaat is ebeelan kenitew ni Sheba, kenà te mibeelan ni Absalom. Umbe ǥuntaan, dumaha niw is menge sakup ku ne del-asa niw sikandin, su kela ke mekaaǥew sikandin te vinerengbeng he menge inged ne egkepeleǥuyan kiw zin.”

2 Samuel 5:1

Midhendiyà is langun he tribu te Israel te ki David diyà te Hebron he egkaǥi te, “Menge kezuzumahi key kenikew.

1 Hadì 12:16

Hein neisip-isip te menge Israilihanen he wazè dan pemineǥa te hadì, ne migkeǥiyan dan is hadì te, “Wazè dey lavet kenikew te kevuwazan ni David! Belaǥad ka keniyan te ginhedian nu! Hengkayi kew en is menge Israilihanen, su ebpemen-ulì kiw!” Ne nemen-ulì is menge Israilihanen.

Erubasa 13:10

Samuk dà is egketuvù pinaaǥi te kebpelavew. Ne is etew he metau, ebpesambag sikandin.

Erubasa 15:1

Is menayù he kedtavak, ebpekepevehew te pauk, iyan, is hangger he kedtavak, ebpekepeiseg te pauk.

Erubasa 17:14

Is puunà te kesevaan, ne iring te zeisey he vudsi ziyà te teleǥuey te wahig; umbe edsengsengen heini te wazè pa medekelà.

Erubasa 18:19

Is telesuled he ebpekedsilaǥà utew mereǥen he ibped-uliey te meupiya he gehinawa. Mereǥen pa heini he ebeelan kenà is kedseled te miberengbeng he inged. Iring ded kereǥen te kedrundus te trangka te ǥemawan te turuǥan, mereǥen he edhusayen is dezuwa he telesuled.

Zatù 8:1

Ne migkaǥi is menge Efraimnen diyà te ki Gideon te, “Hengkey heini is mibeelan nu? Maan is wazè key kenikew tewaǥa hein nekidtebek kew te menge Midianhen?” Ne midsawey zan si Gideon.

Zatù 9:23

midsuǥù is Megbevayà te mulin-ulin he ebeǥey te kesamuk wey mekegkuntada si Abimelec wey is menge etew ziyà te Shekem, ne midsukulan dan si Abimelec.