2 Samuel 19:39 - Manobo Western Bukidnon OT

³⁹ Ne zutun, migkepkepan ni David si Barzilai ne mibpenubtuvazan din. Ne human medrapas si David wey kes langun he menge sakup din dutun te Wahig he Jordan. Ne mid-ulì en daan si Barzilai ziyà te ubpaan din.

2 Samuel 19:39 ပူးပေါင်းရင်းမြစ်များ

Genesis 14:19

Mibpenubtuvazan din si Abram te egkaǥi te, “Berakat, Abram, he tuvazi ka te Utew Lavew he Megbevayà he nenlimbag te langit wey tanà.

Genesis 28:3

Berakat he tuvazi ka te Megbevayà he Mekeǥeǥehem, ne veǥayi ke zin te mezakel he kevuwazan, su wey ka mehimu he amey te mezakel he grupu te menge etew.

Genesis 31:55

Ne hein nepawà, midhezekan ni Laban is menge apù din wey menge anak din he esawa ni Jacob ne mibpenubtuvazan din. Ne zutun migenat su ed-ulì.

Genesis 45:15

Ne midhezekan ni Jose is langun he menge kakey zin he edsineǥaw sikandin. Ne zutun human mekepekidlalag kandin is menge suled din.

Genesis 47:10

Ne zutun, mibpenubtuvazan en maan ni Jacob haazà is hadì ne mid-ewaan din.

Genesis 47:7

Ne impeetuvang daan ni Jose is amey zin he si Jacob ne impekilala zin dutun te hadì, ne mibpenubtuvazan ni Jacob haazà is hadì.

2 Samuel 13:25

Midtavak kes hadì te, “Kenè en, mama, su egkeǥestuwan ke zà ke edtelavuk key is langun.” Ne midteǥel sikandin ni Absalom, piru kenà iyan ebpehendiyà. Mibpenubtuvazan din dà si Absalom.

2 Samuel 14:33

Midhendiyà si Joab te hadì, ne midtudtul zin is migkaǥi ni Absalom. Impetawag te hadì si Absalom, ne hein nekeuma sikandin, midluhud sikandin su edtahud te hadì. Ne zutun midhezekan sikandin te hadì.

2 Samuel 19:38

Midtavak haazà is hadì te, “Ipezume en sikandin kedì ne ebeelan ku is minsan hengkey ziyà te kandin he meupiya para kenikew, ne ebeelan ku zaan is minsan hengkey he egkesuatan nu.”

2 Samuel 6:18

Hein nekepasad en sikandin he ebpemuhat, ne mibpenubtuvazan din is menge etew pinaaǥi te ngazan te Nengazen he Mekeǥeǥehem.

2 Samuel 6:20

Ne mid-ulì daan si David su ebpenubtuvazan din is tivuuk he pemilya zin, ne midtelavuk sikandin ni Mical he anak ni Saul, ne migkeǥiyan din te, “Henduen te hentei he telehuzen is hadì te Israel guntaan he andew! Midsayew sikandin he samè dà kenà medlelevas dutun te etuvangan te menge suluǥuen he menge vahi te menge upisyal zin. Baal zà heeyan te wazè din keelezan.”

1 Hadì 19:20

Mid-ewaan ni Elisha is menge vaka zin su midal-as din si Elias. Ne migkeǥiyan din te, “Edhezekan ku zep-a si amà wey si inà te kebpenemilit diyà te kandan, ne kegkepasad eduma a kenikew.” Midtavak si Elias te, “Uya, piru kenè nu lipati is mibeelan ku ziyà te kenikew.”

Numero 24:25

Ne mid-ulì si Balaam wey si Balak.

Ruth 1:14

Ne zutun, mid-uman dan en maan medsineǥew ne si Orpah, midhezekan din si Naomi is enuǥang din su egenat en, iyan, si Ruth mulà, wazà sikandin medsuwey ki Naomi.

1 Samuel 24:22

Ne zutun mibpesarig si David. Ne mid-ulì si Saul, piru si David mulà wey is menge sakup din ne midlikù dan dutun te elesey zan.