2 Samuel 19:35 - Manobo Western Bukidnon OT

³⁵ Su 80 en is penuiǥen ku, ne kenè ku en egketuenan is meupiya wey kenà meupiya. Kenè ku en egkeǥezam is taam te egkeenen ku wey ed-inumen ku. Kenè ku en egkezineg is ebpemenganta. Egkerikuran ke zà kedì, Mahal he Hadì.

2 Samuel 19:35 ပူးပေါင်းရင်းမြစ်များ

2 Samuel 13:25

Midtavak kes hadì te, “Kenè en, mama, su egkeǥestuwan ke zà ke edtelavuk key is langun.” Ne midteǥel sikandin ni Absalom, piru kenà iyan ebpehendiyà. Mibpenubtuvazan din dà si Absalom.

2 Samuel 15:33

Migkeǥiyan ni David sikandin te, “Wazà igkeuǥup nu ke eduma ka kedì.

2 Samuel 19:36

Deisey zà he tavang is kedhated ku kenikew, maan is utew iring keniyan is ibales nu?

Job 12:11

Emun is dilà te etew egketau ke hengkey is metaam etawa mezaat he keenen, is telinga te etew egketau zaan ke hengkey is meupiya etawa mezaat he menge lalag.

Job 6:30

Midtarùtarù e ve? Kenè ku ve egketuenan ke hengkey is mezaat wey ke hengkey is kenà mezaat?

Salmo 90:10

Is keluǥayad te untung dey ne 70 dà he tuig, etawa 80 he tuig emun melig-en is kedlelawa zey. Piru minsan pa is kineupiyahan he menge tuig te ked-ubpè dey, ne mahabet gihapun he menge keseengan wey menge kelised is egkengeseǥazan dey. Tutuu iyan he meǥaan dà egketapus is untung dey ne egkahanew key en.

Exodus 12:4

Ne emun egkeerangan te senge pemilya he kenè dan egkaamin te egkaan is sengetiman he kerehidu, mebpetelewizè dan dutun te avey zin. Edtelazen dan heini sumalà te kezakel zan wey sumalà te egkekaan te kada etew.

Exodus 2:8

“Uya,” ke sikandin. Ne zutun mibeyaan dutun te vahi is iney zan.

Megwewali 2:8

Ne midtiǥum a zaan te zekelà he selapì, bulawan, wey zuma he menge ketiǥeyunan he ebpuun te menge hadì wey ziyè te menge lugar he nesakup ku. Mezakel is memetau he menge perekanta ku, he menge maama wey menge vahi, ne zuen ku mahabet he menge esawa. Naangken ku is minsan hengkey he egkesuatan te etew!