2 Samuel 19:30 - Manobo Western Bukidnon OT

³⁰ Migkaǥi si Mefiboshet diyà te hadì te, “Iveǥey nu en kandin is langun. Su para kedì ne ingkelipey ku en is kebpekelikù nu he wazà mezaat he neulaula kenikew.”

2 Samuel 19:30 ပူးပေါင်းရင်းမြစ်များ

2 Samuel 1:26

Utew mesakit is gehinawa ku tenged kenikew, Jonatan, he suled ku! Pelanggè ku utew sikew, su is kebmahala nu kedì, ne lavew pa te kebmahal nu te menge vahi.

2 Samuel 19:18

Mid-uǥupan dan si David wey is pemilya zin he mekelayun dutun te wahig, ne midtuman dan is minsan hengkey he egkesuatan ni David. Hein edrapas en si David dutun te Wahig he Jordan, midluhud si Simei ziyà te kandin

2 Samuel 19:29

Migkeǥiyan sikandin ni David te, “Ereg en heeyan. Iyan en paaǥi ku is tengaa niw en ki Ziba is tanà ni Saul.”

2 Samuel 19:31

Midhendiyà te ki David si Barzilai he tig-Gilead he ebpuun te Rogelim. Egkesuat daan sikandin he ed-uǥup te kebpekelayun ni David te Jordan.

2 Samuel 9:9

Ne impetawag te hadì si Ziba, he suluǥuen dengan ni Saul, ne migkeǥiyan din te, “Ibeǥey ku ki Mefiboshet, he apù te egalen nu he si Saul, is langun he azen ni Saul wey te pemilya zin.