2 Samuel 19:24 - Manobo Western Bukidnon OT

^24-25 Midhendiyà daan si Mefiboshet he apù ni Saul su midtelavuk ki David. Diyà sikandin ebpuun te Jerusalem. Wazà melùlui is paa zin, wazè din mekiskisi is sumpè din, wey wazè din pa meilisi is ingkukumbalè din puun pa te kebpekeawà ni David diyà te Jerusalem taman te nekelikù he wazà memenu sikandin. Hein nekeume en sikandin diyà, ne mid-insaan sikandin ni David te, “Mefiboshet, maan is wazè ka meduma kedì?”

2 Samuel 19:24 ပူးပေါင်းရင်းမြစ်များ

2 Samuel 12:20

Ne mid-enew si David, nemeziǥù, midheplasan din is lawa zin te mehemut he lana ne mid-ilis. Ne midhendiyà sikandin te valey te Nengazen ne midsimba. Nekepasad ne mid-ulì sikandin ne mibuyù te keenen, ne migkaan sikandin.

2 Samuel 15:30

Midtekezeg si David diyà te Buvungan te menge Olibo. Ne wazè din sendalyas ne edtembunan din is ulu zin he edsineǥew. Ne ebpemenineǥew zaan haazà is menge zuma zin he edtambun daan te menge ulu zan.

2 Samuel 16:3

Mid-insà si David te, “Hendei en be si Mefiboshet, is apù te egalen nu he si Saul?” Midtavak si Ziba te, “Mibpelintetaǥak sikandin diyà te Jerusalem, tenged te mid-isip din he iyan sikandin edhimuwen he hadì te keet-etawan te Israel kayi he menge timpu te ginhedian te apù din.”

2 Samuel 9:11

Migkeǥiyan ni Ziba is hadì te, “Mahal he Hadì, edtumanen ku is minsan hengkey he idsuǥù nu kedì te suluǥuen nu.” Puun dutun, diyè en egkaan si Mefiboshet te ki David he iring te sevaha te menge anak din.

1 Hadì 2:8

“Timan-i nu si Shimei he anak ni Gera, he sevaha he Benjaminhen he tig-Bahurim. Mibpurungan e zin penrewaki hein midhendiyà a te Mahanaim. Iyan, hein neked-uma key ziyà te Wahig he Jordan, nekepenangdù a ziyà te kandin pinaaǥi te ngazan te Nengazen he kenè ku sikandin edhimetayan.

Exodus 19:10

migkaǥi pa is Nengazen diyà te kandin te, “Hendiyè ka te kandan ne keǥiyi nu sikandan he mebpekelumpiyu sikandan guntaan wey keeselem. Kinahanglan he pemìpii zan is menge visti zan.

Isaias 15:2

Edtekezeg is menge tig-Dibon diyà te lavew he simbahan dan wey ziyà te menge simbahan dan diyà te metikang he menge lugar su edsineǥew zan dutun. Edsineǥawan te menge tig-Moab is Nebo wey Medeba. Is kada sevaha kandan mibpevangul wey mibpemarbas su ibpeehè dan is kedlalew zan.

Jeremias 41:5

duen 80 he menge etew he edhendiyà te Mizpa he ebpuun diyà te Shekem, Shilo, wey Samaria. Migkiskisan dan is menge sumpè dan, mibindasbindas dan is menge visti zan, wey mibpemelian dan is menge lawa zan tenged te kedlelaw zan. Duen uwiten dan he menge pemuhat he para gasa wey veyewà he edtutungen dan diyà te valey te Nengazen.