2 Samuel 19:21 - Manobo Western Bukidnon OT

²¹ Ne migkaǥi si Abishai he anak ni Zeruya te, “Kenè be engayan he edhimetayan si Shimei su midrewakan din is hadì he mibpilì te Nengazen?”

2 Samuel 19:21 ပူးပေါင်းရင်းမြစ်များ

2 Samuel 16:13

Ne midlaus si David wey is menge sakup din he edhipanew. Ne edsunuzen sikandan ni Shimei, piru ziyè dà mebayà sikandin te kilid te vuvungan. Ne zutun te kedhipanew zin edrewakan din si David wey ebpenulengen din te vatu wey tanà.

2 Samuel 16:5

Hein nekeume en si Hadì David diyà te Bahurim, duen etew he migawas dutun he inged ne mibpenrewakan din si David. Heini he etew ne anak ni Gera he kezuzumahi ni Saul he iyan ngazan din si Shimei.

2 Samuel 16:9

Migkaǥi ziyà te hadì si Abishai he anak ni Zeruya te, “Mahal he Hadì, maan is ebey-anan nu is kebpenulaa kenikew keniyan he etew he henduen dà daan te minatey he asu? Tuǥuti a kenikew he ebpungelan ku sikandin te ulu.”

Salmo 84:9

He Megbevayà, peburi nu is kelasag dey he iyan is hadì dey he mibpilì nu.

Exodus 22:28

“Kenè niw sumpelita is Megbevayà wey kenè niw rewaki is ebpengulu keniyu.

Penhulùhulù 4:20

Nezekepan dan is hadì dey he mibpilì te Nengazen, he iyan pezem midseriǥan dey he ebpengalang kenami te kedezaat te kuntada zey he menge nasyun.

1 Samuel 24:6

Migkeǥiyan din is menge sakup din te, “Deyzey pezem ke kenà medtuǥut is Nengazen he mekevaal a te kenà meupiya ziyà te egalen ku, he mibpilì te Nengazen he edhadì.”

1 Samuel 26:9

Midtavak ni David si Abishai te, “Kenè nu himetayi sikandin! Su edsilutan te Nengazen is edhimatey te mibpilì din he hadì.