2 Samuel 19:11 - Manobo Western Bukidnon OT

^11-12 Hein netuenan ni Hadì David he iyan haazà pelanu zan, midsuǥù sikandin te ibpepenudtul ziyà te menge memumuhat he si Zadok wey si Abiatar, he egkaǥi te, “Keǥiya niw heini ziyà te menge edumala te Juda: ‘Nezineg ku he egkesuatan te menge sakup niw he ibpelikù a he hadì. Maan is nehuziyan kew he ebpelikù kedì te kedhadì? Menge kezuzumahi ku sikiyu?’

2 Samuel 19:11 ပူးပေါင်းရင်းမြစ်များ

2 Samuel 15:29

Ne zutun inlikù ni Zadok wey ni Abiatar kes Kavan te Kebpekid-uyun te Megbevayà diyà te Jerusalem, ne ziyè dan med-ubpà.

2 Samuel 18:14

Migkaǥi si Joab te, “Kenà a egkeuǥet kayi te kenikew!” Migkuwa si Joab te vangkew he tetelu ne mibeyaan din si Absalom he nevivitey zutun te kayu he ulayan he uuyag pa. Ne mibpilak din diyà te kumeng si Absalom.

2 Samuel 18:15

Ne is sepulù he tig-uwit te ǥumaan ni Joab, midlingutan dan si Absalom, ne midhimetayan dan.

2 Samuel 19:10

Guntaan, si Absalom is mibpilì tew he iyan pengulu tew minatey ziyà te tebek. Deyzey ke ebpengehè kiw te paaǥi he ikepelikù tew si David te kedhadì?”

2 Samuel 19:41

Ne midhendiyà te ki David is langun he menge etew te Israel ne midriklamu su maan is menge tig-Juda is nendesen te kebpeleyuna kandin wey te pemilya zin, wey is langun he menge sakup din.

1 Hadì 2:35

Ne zutun midhimu zuen te hadì si Benaya he peremandar te menge sundaru ilis ki Joab, ne is in-ilis din ki Abiatar iyan si Zadok he memumuhat.