2 Samuel 18:8 - Manobo Western Bukidnon OT

⁸ Nekeeneb te tivuuk he ketelunan is kedtetebek, ne utew pa mezakel is minatey tenged te kepiligru zutun te ketelunan kenà is nepatey pinaaǥi te ispada.

2 Samuel 18:8 ပူးပေါင်းရင်းမြစ်များ

2 Samuel 18:7

Nezaag is menge sundaru te Israel te menge sundaru ni David. Utew mezakel is nemematey, te haazà he andew 20,000 he etew.

2 Samuel 18:9

Timpu te tebek, nesinuǥung te menge sakup ni David si Absalom, ne mibpelaǥuy sikandin he ed-untud te kudà. Ne nenursuriyuk diyà te dizalem te merapung he menge subpang te kayu he ulayan, ne nekesanggat is ulu zin dutun te kayu. Ne midlaus en is kudè din mebpelelaǥuy, ne netaǥak en sikandin is nevivitey zutun te kayu.

1 Hadì 20:30

Ne is nesamà he menge Aramihanen nemelaǥuy ziyà te inged he Afek, ne zutun netempaǥan te verengbeng dutun te inged is 27,000 kandan. Mibpelaǥuy zaan dutun si Ben Hadad, ne mid-eles diyà te kineselezan he ruǥu te valey.

Salmo 3:7

Sigi en, Nengazen he Megbevayè ku, libriya a! Su zengan mibpeel-elezan nu is langun he kuntada ku he menge lalung; ne in-awè nu is gehem dan he iyan pezem kedezaat kedì.

Salmo 43:1

He Megbevayà, ipeehè nu he wazè ku salà, ne levani a su wey a kenà mezezeeti te menge etew he kenà edtuu te Megbevayà. Libriya a te kedezeeti kedì te limbungan wey lalung he menge etew.

Exodus 15:10

Piru senge pedhiyup nu zà ne nengelened sikandan te zaǥat. Neiring sikandan te timeǥà he inteledted diyà te mezalem.

Erubasa 24:21

Mama, tehuza nu is Nengazen wey is hadì. Kenè ka medtampu te menge etew he edsukul kandan,

Erubasa 24:22

su egketik-awan sikandan te silut. Wazè nu metueni ke hengkey he kelasi te kemeresayan is ibpigada te Megbevayà etawa te hadì diyà te kandan.

Josue 10:11

Hein edtupang sikandan puun te Bet Horon pehendiyà te Azeka edel-asen sikandan te menge Israilihanen. Ne mibpeuzanan sikandan te Nengazen te zezekelà he menge giyew ne nemematey zan. Mahabet pa is nemematey pinaaǥi te ǥiyew kenà te nemematey pinaaǥi te menge ispada te menge Israilihanen.