2 Samuel 18:4 - Manobo Western Bukidnon OT

⁴ Midtavak si Hadì David te, “Ebeelan ku is meupiya para keniyu.” Ne midhitindeg si Hadì David dutun te uvey te pultahan te inged dutun te kemulu en edliǥawang is langun he menge sakup din he mibahin te tig-1,000 wey tig-100.

2 Samuel 18:4 ပူးပေါင်းရင်းမြစ်များ

2 Samuel 18:1

Midtiǥum ni David is menge sakup din te tig-1,000 wey tig-100, ne mibpilì sikandin te peremandar he iyan ed-uwit kayi.

2 Samuel 18:24

Ne zutun te ebpimpinuu si David diyà te teliwazà duen te zezuwa he pultahan he ziyà te ǥawas wey ziyà te seled he vahin te verengbeng he zutun te inged. Nemenahik dutun te verengbeng is tigbantey te inged ne midhithitindeg dutun te atep te pultahan te inged. Ne mibpememantew sikandin, ne zuen neehè din he sevaha he etew he ebpelelaǥuy.

2 Samuel 18:5

Midsuǥù ni Hadì David si Joab, si Abishai, wey si Itai te, “Tenged kedì ne kenè niw menuwa is betan-en he si Absalom.” Nezineg haazà te langun he grupu is migkaǥi ni David diyà te menge peremandar zin.

Isaias 28:6

Ebeǥayan din is menge zatù te tinguhà te layun kebeǥey te hustu he kukuman. Wey ebeǥayan din te kevurut is menge sundaru he ebantey su wey kenà ebpekeseled is menge edsurung diyà te inged.

1 Samuel 29:2

Dutun te kemulu edmartsa is menge pengulu te menge Filistihanen duma te menge sundaru zan he migrupu zan te ginatus wey linibu, midsunud daan dutun si David wey menge sakup din duma ki hadì Akish.