2 Samuel 18:27 - Manobo Western Bukidnon OT

²⁷ Migkaǥi haazà is ebantey te, “Is nehuna he ebpelelaǥuy ne henduen te si Ahimaaz he anak ni Zadok.” Migkaǥi haazà is hadì te, “Metazeng heeyan he etew. Duen din buwa meupiya he tudtul.”

2 Samuel 18:27 ပူးပေါင်းရင်းမြစ်များ

2 Samuel 18:26

ne zuen pa maan naahà dutun te tigbantey he sevaha he etew he ebpelelaǥuy. Migkulahì din is diyà te sihung te zuen pa sevaha he etew he ebpekeuma. Migkaǥi haazà is hadì te, “Duen din buwa uwiten he tudtul.”

1 Hadì 1:42

Dutun te kemulu pa sikandin egkaǥi, nekeuma si Jonatan is anak ni Abiatar te memumuhat. Ne migkeǥiyan ni Adonia te, “Seled ka su meupiya ka he etew; siguradu zuen meupiya he egketudtul nu.”

2 Hadì 9:20

Mid-uman en maan mebensag sikan is bantey te hadì, “Nekeume en sikan is ikezuwa he pereuntud te kudà he midsuǥù nu, piru wazà gihapun sikandin medlikù! Ne is pengulu keniyan te menge sundaru ne henduen be te si Jehu su utew meǥaan he ebpepelelaǥuy te kudà!”

Erubasa 25:13

Is egkeseriǥan he menunudtulà, ebpekepahagkap te egezamen te midsuǥù kandin, iring te meǥenew he wahig emun timpu te gulavung.

Erubasa 25:25

Is kebpemineg te meupiya he tudtulanen he ebpuun diyà te meziyù, ne iring te ked-inum te meǥenew he wahig emun egkemazahan ki.

Isaias 52:7

Utew mekempet he ed-ahaan is menge menunudtulà he ed-abley ziyà te menge vuvungan su wey zan metudtul is meupiya he tudtul he zuen en kelinew ziyà te Jerusalem ne ebmeupiyè en is kebpekesavuk kayi su edlibriyen heini te Megbevayà. Egkeǥiyan dan is menge tig-Jerusalem te, “Midhadì is Megbevayè niw!”