2 Samuel 18:24 - Manobo Western Bukidnon OT

²⁴ Ne zutun te ebpimpinuu si David diyà te teliwazà duen te zezuwa he pultahan he ziyà te ǥawas wey ziyà te seled he vahin te verengbeng he zutun te inged. Nemenahik dutun te verengbeng is tigbantey te inged ne midhithitindeg dutun te atep te pultahan te inged. Ne mibpememantew sikandin, ne zuen neehè din he sevaha he etew he ebpelelaǥuy.

2 Samuel 18:24 ပူးပေါင်းရင်းမြစ်များ

2 Samuel 13:34

Ne si Absalom, ne mibpelaǥuy sikandin.” Dutun he timpu is ebantey zuen te verengbeng te Jerusalem duen din naahà he utew mezakel he menge etew he ebpelingguma he ziyà mebayà te zivaluy he kilid te vuvungan. Midhendiyà te hadì haazà is ebantey ne nenudtul te, “Duen ku naahà he menge etew ziyà te zalan te Horonaim he ebpeleǥidlid te vuvungan.”

2 Samuel 18:23

Migkaǥi sikandin te, “Minsan hengkey is egkeulaula ne edhipanew a.” Ne migkeǥiyan ni Joab sikandin te, “Uya, genat ke en!” Ne zutun mibpelelaǥuy si Ahimaaz, ne nememantek dà sikandin diyà te menge suǥud te Jordan, ne nehunaan din pa haazà is etew he tig-Etiopia.

2 Samuel 18:25

Ne mibensaǥan din si David diyà te sihung he zuen etew he ebpekeuma. Migkaǥi si David te, “Emun sevaha zin dà ne duen din buwa uwiten he tudtul.” Ne hein ebpekeuvey-uvey en haazà is etew,

2 Samuel 18:4

Midtavak si Hadì David te, “Ebeelan ku is meupiya para keniyu.” Ne midhitindeg si Hadì David dutun te uvey te pultahan te inged dutun te kemulu en edliǥawang is langun he menge sakup din he mibahin te tig-1,000 wey tig-100.

2 Samuel 19:8

Ne midhitendeg si David ne ziyà mebpinuu te pultahan te inged. Hein netuenan heini te menge etew, ne miburunburun dan diyà te kandin. Dutun he timpu, ne nemekepelaǥuy en he ed-ulì is menge sundaru te Israel he menge sakup ni Absalom.

1 Samuel 4:13

Dutun te kebpekeuma zin diyà te Shilo, dutun si Eli is ebpimpinuu ziyà te bangkù he kilid te zalan su edtaǥad ke zuen ebpekepenudtul su igkeipeng din sikan is Kavan te Kebpekid-uyun te Megbevayà. Si Eli, ne 98 en is penuiǥen din, umbe kenè en utew ebpekaahà. Ne zutun, midtudtul zutun te etew ziyà te inged is neulaula te tebek. Nezineg haazà te menge meǥinged ne nemensineǥew zan. Nezineg haazà ni Eli ne mid-insà si Eli, “Hengkey is idsineǥew te menge etew?” Migaanggaan med-uvey haazà is etew ziyà te ki Eli.