2 Samuel 18:20 - Manobo Western Bukidnon OT

²⁰ Migkaǥi si Joab te, “Kenà ka iyan edtudtul ziyà te hadì guntaan he andew. Egkehimu ka he ebpenudtul emun duma he andew kenà guntaan, tenged te nepatey is anak te hadì.”

2 Samuel 18:20 ပူးပေါင်းရင်းမြစ်များ

2 Samuel 18:19

Ne migkeǥiyan ni Ahimaaz he anak ni Zadok si Joab te, “Tuǥuti a te kedhendiyà te ki David su egkeǥiyen ku kandin is kedlibriya kandin te Nengazen puun te ǥehem te menge kuntada zin.”

2 Samuel 18:21

Ne migkeǥiyan ni Joab is sevaha he etew he tig-Etiopia te, “Hipanew ke en, ne tudtuli nu si Hadì David te neehè nu.” Ne hein nekepasad he edseludu haazà is etew ziyà te ki Joab, ne mibpelelaǥuy sikandin.

2 Samuel 18:27

Migkaǥi haazà is ebantey te, “Is nehuna he ebpelelaǥuy ne henduen te si Ahimaaz he anak ni Zadok.” Migkaǥi haazà is hadì te, “Metazeng heeyan he etew. Duen din buwa meupiya he tudtul.”

2 Samuel 18:29

Mid-insà haazà is hadì te, “Kemuste en si Absalom? Wazè be sikandin memenu?” Midtavak si Ahimaaz te, “Hein impetawag a ni Joab he suluǥuen nu ne neehè ku he egkeǥuliyaved is menge etew piru wazè ku metueni ke hengkey haazà.”

2 Samuel 18:33

Migkerker si David. Ne nemenahik diyà te ruǥu zin diyà te divavew te pultahan dutun te inged ne midsineǥew. Dutun te kebpemenahik din, ke sikandin te, “He Absalom, anak ku, iyan e en pezem nepatey he elili kenikew. He Absalom, anak ku!”

2 Samuel 18:5

Midsuǥù ni Hadì David si Joab, si Abishai, wey si Itai te, “Tenged kedì ne kenè niw menuwa is betan-en he si Absalom.” Nezineg haazà te langun he grupu is migkaǥi ni David diyà te menge peremandar zin.

2 Samuel 19:1

Duen nenudtul ki Joab he edtulung edsineǥew is hadì wey midlalew sikandin tenged ki Absalom.