2 Samuel 18:17 - Manobo Western Bukidnon OT

¹⁷ Migkuwa zan haaza is lawa ni Absalom ne in-ulug dan te vudsi ziyà te ketelunan ne midtembuan dan te mehabet he menge vatu. Ne nemelaǥuy is langun he menge sundaru te Israel ne mibpemen-ulì dan.

2 Samuel 18:17 ပူးပေါင်းရင်းမြစ်များ

2 Samuel 19:5

Ne midhendiyà si Joab te valey te hadì ne migkaǥi te, “Mibpeel-elezan nu ǥuntaan he andew is menge sakup nu he midluwas kenikew wey te menge anak nu wey te menge esawa nu.

2 Samuel 19:8

Ne midhitendeg si David ne ziyà mebpinuu te pultahan te inged. Hein netuenan heini te menge etew, ne miburunburun dan diyà te kandin. Dutun he timpu, ne nemekepelaǥuy en he ed-ulì is menge sundaru te Israel he menge sakup ni Absalom.

2 Samuel 19:9

Nekedlelawan dutun is tivuuk he Israel. Ke sikandan te, “Midluwas kiw ni Hadì David diyà te menge kuntada tew he menge Filistihanen, piru mibpelaǥuy sikandin kayi te nasyun tew tenged dà ki Absalom.

2 Samuel 20:1

Duen sevaha he etew he tig-Benjamin he layun dà ebpen-ahà te samuk. Iyan ngazan din si Sheba, he anak ni Bicri. Impezaǥing din is budyung ne ebpengulahì te, “Menge tig-Israel, wazè tew lavet ki David he anak ni Jesse! Ebpen-ulì kiw is langun!”

2 Samuel 20:22

Ne zutun mibeyaan dutun te vahi is menge meǥinged dutun te inged ne midtudtulan din sikandan te planu zin. Mibpungelan dan te ulu si Sheba ne intimbag dan diyà te ki Joab. Ne segugunà impezaǥing ni Joab is budyung ne mid-awè dan dutun te inged duma is menge sakup din ne mid-ulì dan. Ne midlikù si Joab diyà te Jerusalem.

2 Hadì 14:12

Nezaag is Juda te Israel, ne nekedsusuwey is menge sundaru te Juda he nemelaǥuy pehendiyà te ed-ulian dan.

2 Hadì 8:21

Umbe, midhendiyà si Jehoram te Zair he mid-uwit din is langun he kerwahi zin. Midliǥuyan sikandin wey is menge peremandar te menge kerwahi zin te menge Edomanhen. Piru hein mezukilem, midtik-awan dan etekiya is menge Edomanhen, ne nekepelaǥuy zan su nekelawang dan. Ne zutun mid-ulì is menge sundaru ni Jehoram.

Erubasa 10:7

Is metazeng he etew, egkehimu sikandin he tuvad te zuma ne layun sikandin egketenuzi, piru is lalung he etew egkelipatan en.

Deuteronomio 21:20

Ne egkeǥiyan dan haazà is ebpemendumala te, ‘Heini is anak dey, ne utew mesinupaken wey ebpekidsukulà kenami; ne kenà ebpezumazuma kenami. Gestedur sikandin wey lelenguten.’

Deuteronomio 21:21

Ne haazà, kinahanglan he ebpenulengen te vatu te langun he menge meǥinged dutun te inged taman te ebpatey. Kinahanglan he id-awè niw ziyà te keniyu heini he mezaat he vaal. Ne emun egkezineg heini te langun he menge Israilihanen ne egkahandek dan.

Josue 10:27

Ne hein edsanlep en is andew, impekuwa ni Josue is menge lawa zan, ne impetimbag din duen te surung he mid-elesan dan. Mid-elangan dan te zezekelà he menge vatu is bèbà duen te surung, ne taman en guntaan dutun pa heini he menge vatu.

Josue 7:26

Ne kegkepasad dutun, midtembuan dan te vatu si Acan. Ne taman en guntaan dutun pa haazà is menge vatu. Ne haazà he lugar migngezanan te Suǥud te Acor taman guntaan. Ne tenged kayi naawà is pauk te Nengazen.

Josue 8:29

Impevitey zin sikan is hadì diyà te kayu ne mibey-anan heini zutun taman te mahapun. Ne kedsanlep te andew impekuwa ni Josue haazà is minatey he hadì ne impetimbag din diyà te ǥawas te pultahan dutun te inged. Ne midtembuan dan heini te menge vatu, ne taman en guntaan kemulu egkaahà haazà is menge vatu.

1 Samuel 4:10

Umbe, nekidtebek is Filistihanen, ne nezaag dan haazà is menge Israilihanen. Utew mezakel is nemematey; 30,000 he menge Israilihanen is minatey. Ne is nengesamà he menge Israilihanen ne mibpemelaǥuy ne mibpen-ulì dan diyà te ubpaan dan.