2 Samuel 18:14 - Manobo Western Bukidnon OT

¹⁴ Migkaǥi si Joab te, “Kenà a egkeuǥet kayi te kenikew!” Migkuwa si Joab te vangkew he tetelu ne mibeyaan din si Absalom he nevivitey zutun te kayu he ulayan he uuyag pa. Ne mibpilak din diyà te kumeng si Absalom.

2 Samuel 18:14 ပူးပေါင်းရင်းမြစ်များ

2 Samuel 12:10

Umbe, tenged te mibeelan nu, puun guntaan layun duen tebek wey ebpehimetayà diyà te pemilya nu, tenged te midsupak a kenikew ne migkuwa nu is esawa ni Uria.’

2 Samuel 14:30

Migkeǥiyan ni Absalom is menge suluǥuen din te, “Binsuli niw is menge pemuleey ni Joab he mibpemulaan te barli. Durug dà te vevesukè ku.” Umbe mibinsulan dan is bevesukà ni Joab.

2 Samuel 18:15

Ne is sepulù he tig-uwit te ǥumaan ni Joab, midlingutan dan si Absalom, ne midhimetayan dan.

2 Samuel 18:5

Midsuǥù ni Hadì David si Joab, si Abishai, wey si Itai te, “Tenged kedì ne kenè niw menuwa is betan-en he si Absalom.” Nezineg haazà te langun he grupu is migkaǥi ni David diyà te menge peremandar zin.

2 Samuel 19:1

Duen nenudtul ki Joab he edtulung edsineǥew is hadì wey midlalew sikandin tenged ki Absalom.

2 Samuel 19:11

Hein netuenan ni Hadì David he iyan haazà pelanu zan, midsuǥù sikandin te ibpepenudtul ziyà te menge memumuhat he si Zadok wey si Abiatar, he egkaǥi te, “Keǥiya niw heini ziyà te menge edumala te Juda: ‘Nezineg ku he egkesuatan te menge sakup niw he ibpelikù a he hadì. Maan is nehuziyan kew he ebpelikù kedì te kedhadì? Menge kezuzumahi ku sikiyu?’

Job 20:5

ne edlavey zà is kelipey te lalung he etew. Uya, kenà egkeuǥet is kelipey te etew he wazà medtuu te Megbevayà.

Salmo 37:35

Hein nehuna he timpu, duen neehè ku he lalung he etew he ebpendaagdaag. Ed-isipen din is keugelingen din he lavew te zuma; iring sikandin te metawis he kayu he sidru ziyà te Lebanon.

Salmo 45:5

Pelii nu te meǥarang he menge vala te panè nu is menge pusung te menge kuntada nu. Ebpesakup kenikew is menge nasyun.

Zatù 4:21

Ne tenged te utew kegkeveley ni Sisera ne nehurep sikandin. Migkuwa si Jael te mertilyu wey palpal te tulda ne midnaney sikandin med-uvey ziyà te ki Sisera. Ne mibpelpalan din is titingkazan ni Sisera taman te midlambas diyà te tanà, ne minatey si Sisera.

Zatù 5:26

Ne migkuwa sikandin te mertilyu wey palpal te tulda ne mibpelpalan din is titingkazan ni Sisera.

Zatù 5:31

“Nengazen, berakat he mezeeti is langun he menge kuntada nu. Ne verakat mulà he meiring te andew he ebpurung edsiǥa is ebmahal kenikew.” Dutun he timpu melinawen is ked-ubpà diyà te Israel seled te 40 he tuig.