2 Samuel 18:1 - Manobo Western Bukidnon OT

¹ Midtiǥum ni David is menge sakup din te tig-1,000 wey tig-100, ne mibpilì sikandin te peremandar he iyan ed-uwit kayi.

2 Samuel 18:1 ပူးပေါင်းရင်းမြစ်များ

Exodus 17:9

Ne migkaǥi si Moises diyà te ki Josue te, “Pilì ka te menge sakup tew kayi he ebpekidtebek keniyan te menge Amalikanhen. Ne keeselem edhitindeg a ziyà te vuvungan is egkulang duen te tuked te Nengazen.”

Exodus 18:21

Iyan, pilì ka te metau he menge etew he ebpekeuǥup kenikew te kebpenhusey nu. Kinahanglan he metau sikandan he edhusey, edtahud te Megbevayà, egkeseriǥan, ne kenà edawat te sipsip. Himuwa sikandan he menge zatù te menge grupu te menge etew he tig-1,000, tig-100, tig-50 wey tig-10.

Exodus 18:25

Mibpilì sikandin te menge Israilihanen te menge etew he uluwanen he edhusey, ne midhimu zin sikandan he menge upisyal te grupu te menge etew he tig-1,000, tig-100, tig-50, wey tig-10.

Numero 31:14

Ne nepeukan ni Moises is menge upisyal he ebpuun te kebpekidtebek.

Deuteronomio 20:9

Ne emun ebpekepasad en he egkaǥi haazà is menge upisyal ziyà te menge sundaru, ne mebpilì dan te menge peremandar he ebpengulu te menge sundaru.

Josue 8:10

Ne hein nepawà, midsayu med-enew si Josue ne midtiǥum din is menge etew zin. Ne iyan sikandin wey is menge pengulu te Israel nengegalen te menge etew te kedhendiyà te Ai.

1 Samuel 22:7

Migkeǥiyan ni Saul sikandan te, “Pemineg kew is menge tig-Benjamin! Kenè be mibpenengduan kew ni David he ebeǥayan kew zin langun te vevesukà wey menge pemuleey niw te paras? Mibpenengduan kew zin pa te edhimuwen kew zin pudu he menge peremandar te menge sundaru?

1 Samuel 8:12

Is duma kandan edhimuwen din he menge upisyal he edumala te tig-1,000 he sundaru, ne is duma 50 he sundaru. Ne is duma ne ibpeeradu te pemuleey zin wey ibpeeǥani te sebpet din, ne is duma ne ibpepandey zin te menge ǥumaan para te tebek wey zuma pa he menge gelemiten para te kerwahi.