2 Samuel 17:9 - Manobo Western Bukidnon OT

⁹ Minsan buwa ǥuntaan ne ziyè en sikandin te menge surung wey ke ziyè be te zuma he lugar. Emun diyà te egkehuna he kedtebek niw ebpematey is duma he menge sundaru nu, is ebpekezineg kayi, ebpekekaǥi zan he nezaag is menge sundaru nu.

2 Samuel 17:9 ပူးပေါင်းရင်းမြစ်များ

2 Samuel 17:10

Ne minsan is pinekemevurut he sundaru nu, he henduen te mevurut he erimaung, egkahandek. Su netuenan te langun he Israilihanen he is amey nu ne utew nelayam he ebpekidtebek wey mevurut is menge sakup din.

2 Samuel 17:8

Nekilala nu is amey nu wey is menge sakup din; mezesen sikandan wey zumezaas iring sikandan te bir he mid-eǥawan te menge anak din. Iring keniyan is amey nu he nelayam te tebek, wey kenà sikandin ebpekiduma te menge sakup din ke edlipezeng.

Jeremias 41:9

Is budsi he mibpen-uluǥan ni Ishmael te nemematey he mibpenhimetayan din duma te lawa ni Gedalia, gaked ni Hadì Asa he impekalut din hein midsurung sikandan ni Hadì Baasha he hadì te Israel. Heini he vudsi mibpenù ni Ishmael te nemematey.

Josue 7:5

piru midal-as sikandan te menge tig-Ai puun te pultahan dutun te inged taman te Shebarim, ne menge 36 kandan is nepatey hein edtupang dan. Umbe naawà is kevurut te menge Israilihanen wey nengahandek dan.

Josue 8:6

Ne zutun, ebpekekaǥi sikandan te nengahandek key iring duen te nehuna he nehitavù, ne zutun edel-asen key zan ne ebpezal-as key taman te ebpekepekeziyù sikandan puun te inged.

1 Samuel 22:1

Mid-awà si David diyà te Gat ne midhendiyà te surung te Adulam. Ne hein netuenan te menge suled din wey te zuma pa he sakup te pemilya zin, ne midhendiyè dan te kandin su edtampu zan kandin.

1 Samuel 23:22

Uya, ulì kew en ne keǥiyi e zà keniyu ke hendei sikandin wey hentei layun is ebpekaahà kandin dutun, su zuen neketudtul kedì he utew sikandin metau.

1 Samuel 24:3

Nekeuma si Saul zuen te tudil te menge kerehidu he kilid te zalan he zuen dutun surung. Midseled dutun si Saul su ebpekeindes. Dutun bes te surung med-eles si David wey is menge sakup din.