2 Samuel 17:23 - Manobo Western Bukidnon OT

²³ Hein netuenan ni Ahitofel he wazà pezumdumahi is menge sambag din, ne mid-untuzan din is asnu zin ne mid-ulì diyà te inged din. Nemilinbilin sikandin te pemilya zin ne midhiket sikandin pinaaǥi te kebitey. Diyè ded ileveng sikandin te midlevengan te amey zin.

2 Samuel 17:23 ပူးပေါင်းရင်းမြစ်များ

2 Samuel 15:12

Dutun te kemula pa ebpemuhat si Absalom te menge pemuhat, impetawag din si Ahitofel he ziyà te inged he Gilo. Heini si Ahitofel ne zutun heini he meǥinged, wey sevaha sikandin te menge megsesambag ni David. Hein neuǥet ne midmezakel en is midsunud ki Absalom, umbe mibmelig-en utew is pelanu zin te kebpekidsukulà ki David.

2 Samuel 15:31

Duen mibpenudtul ki David he si Ahitofel ne sevaha te nekidsevaha ki Absalom. Ne zutun mid-ampù si David, “Nengazen, himuwa nu he wazà pulus te sambag ni Ahitofel.”

2 Samuel 16:23

Dutun he timpu mibpemineg si Absalom te menge sambag ni Ahitofel, iring ded daan dutun is mibeelan ni David hein aney. Su is menge sambag ni Ahitofel in-iring daan te ziyà ebpuun te Megbevayà.

2 Samuel 17:22

Ne zutun midrapas si David wey is menge sakup din dutun te Wahig he Jordan, ne hein meǥaan en egkepawà ne nemekelayun dan en is langun.

1 Hadì 16:18

Ne hein naahà ni Zimri he naaǥew en haazà is inged, midseled sikandin diyà te melig-en he vahin duen te turuǥan ne mibinsulan din haazà is turuǥan, umbe minatey sikandin.

2 Hadì 20:1

Dutun he timpu, nezeruwan si Hezekia ne henduen be te ebpatey en. Midhendiyà te kandin is ebpeneuven he si Isaias he anak ni Amoz ne migkaǥi te, “Migkaǥi is Nengazen he veeli nu en is egkesuatan nu te ebaal su kenè ke en egkeulian, kekenà, ebpatey kad.”

Job 31:3

Kenè be kezeetan wey vangkit is para te ebaal te mezaat?

Salmo 109:20

Nengazen, berakat he iyan heeyan isilut nu te menge etew he mibutangbutang kedì wey migkaǥi te mezaat he menge lalag mehitenged kediey.

Salmo 5:10

Megbevayè ku, siluti nu is menge kuntada ku. Deyzey ke egkeuney sikandan te mezaat he menge tuyù dan. Iselikwey nu sikandan tenged te utew subra is menge salè dan, su mibpekidsukulè dan kenikew.

Salmo 55:23

Piru is menge teremunù wey menge limbungan idtimbag din diyà te mezalem he lugar te menge minatey, dutun te kenè pa sikandan edliwezeenan. Piru siak mulà, edsarig a te Megbevayà.

Erubasa 16:18

Is kebpelavew wey kegkemesinupaken, edrimeǥas te kezeetan.

Erubasa 19:3

Duen menge etew he edezeeten dan is keugelingen dan tenged te kedtinulebung dan, ne iyan ebesulan dan is Nengazen.

Isaias 38:1

Dutun he timpu, nezeruwan si Hezekia ne henduen be te ebpatey en. Midhendiyà te kandin is ebpeneuven he si Isaias he anak ni Amoz ne migkaǥi te, “Migkaǥi is Nengazen he veeli nu en is egkesuatan nu te ebaal su kenè ke en egkeulian, kekenà, ebpatey kad.”