2 Samuel 17:22 - Manobo Western Bukidnon OT

²² Ne zutun midrapas si David wey is menge sakup din dutun te Wahig he Jordan, ne hein meǥaan en egkepawà ne nemekelayun dan en is langun.

2 Samuel 17:22 ပူးပေါင်းရင်းမြစ်များ

2 Samuel 17:21

Hein wazè en dutun kes menge sakup ni Absalom, migawas si Jonatan wey si Ahimaaz dutun te kalut ne midhendiyè dan te ki David ne migkeǥiyan dan te, “Gaanggaan kew layun te wahig, su midsambag si Ahitofel he edhimetayan ka.”

2 Samuel 17:23

Hein netuenan ni Ahitofel he wazà pezumdumahi is menge sambag din, ne mid-untuzan din is asnu zin ne mid-ulì diyà te inged din. Nemilinbilin sikandin te pemilya zin ne midhiket sikandin pinaaǥi te kebitey. Diyè ded ileveng sikandin te midlevengan te amey zin.

2 Samuel 17:24

Nekeume en ensi David diyà te Mahanaim dutun te nekelayun en ensi Absalom wey is menge sakup din te Wahig he Jordan.

Salmo 42:6

Utew a neseeng; is kegkeseeng ku iring te edeǥurus he seleg te evaǥa he ebpeketambun kediey. Umbe edtentenuzan ku sikew ǥuntaan te kayi a te tanà he uvey te Jordan wey Hermon, kayi te Buntud he Mizar.

Erubasa 27:12

Is etew he uluwanen egketuenan din emun duen piligru he egkehitavù kandin, piru is etew he kenà uluwanen ne kenà mevantey, umbe ebpekaantus sikandin.

Numero 31:49

Ne migkaǥi sikandan te, “Datù, sikami is menge suluǥuen nu, mibilang dey is menge sundaru he sakup dey ne wazà minsan sevaha he netarin.