2 Samuel 17:20 - Manobo Western Bukidnon OT

²⁰ Hein nekeuma zutun is menge sakup ni Absalom te valey zutun te etew, ne mid-insaan dan haazà is esawa zin, “Neehè niw ve si Ahimaaz wey si Jonatan?” Midtavak haazà is esawa te, “Midlayun dan te wahig.” Mibpen-ehè dan sikandan piru wazè dan maahà, ne midlikù dan diyà te Jerusalem.

2 Samuel 17:20 ပူးပေါင်းရင်းမြစ်များ

2 Samuel 15:34

Deyzey ke edlikù ka ziyà te inged ne egkeǥiyan nu si Absalom te, ‘Suluǥuen ad kenikew hadì; iring te suluǥuen a te amey nu zutun te nehuna he timpu, ne ǥuntaan iyan ke en teǥisuluǥuen kedì, ne egkeuǥupan e pa kenikew he mevelevaǥi is menge sambag ni Ahitofel.’

Exodus 1:19

Ne midtavak dan is hadì te Ehipto he ke sikandan te, “Is menge vahi he Hebriyuhanen ne kenà iring te menge vahi he Ehiptohanen; lelemuwan sikandan umbe edlusazan dan en te kenè pa ebpekeuma is mengunguyamu.”

Leviticus 19:11

Kenè kew mebpenakew, medtarùtarù, etawa medlimbung te iring niw he etew.

Zatù 4:20

Migkeǥiyan ni Sisera si Jael te, “Hithitindeg ke zà keniyan te ǥemawan te tulda ne emun duen ebpekeuma he ed-insà ke zuen duma he etew ne kaǥi ka te wazà.”

1 Samuel 21:2

Midtavak si David te, “Duen ku kayi tuyù he insuǥù te hadì, ne migkeǥiyan e zin te kenè ku kun egkeǥiyen diyà te minsan hentei is mehitenged kayi te insuǥù din. Ne mehitenged te menge sakup ku, ne migkeǥiyan ku sikandan he ebpekedtetelavuk key zà diyà te sevaha he lugar.