2 Samuel 17:16 - Manobo Western Bukidnon OT

¹⁶ Ne migkeǥiyan din sikandan te, “Gègaani nu pesuǥui si David he kenà mebpeteǥak dutun te repasan te Jordan pehendiyà te sibsivayan te ǥuntaan he kezukilemi, kekenà, ipelaus en sikandan iperapas dutun te wahig su wey kenè dan mengeǥerà.”

2 Samuel 17:16 ပူးပေါင်းရင်းမြစ်များ

2 Samuel 15:14

Ne migkeǥiyan ni David is langun he menge upisyal zin he zuma zin diyà te Jerusalem te, “Ebpelaǥuy kiw, su kela ke meumahi kiw ni Absalom kayi, ne penhimetayi kiw wey is langun he meǥinged kayi te Jerusalem. Pekeǥaan kew, emun egkesuat kew he ebpekelikey ki Absalom.”

2 Samuel 15:28

Diyà a edtaǥad te repasan pehendiyà te sibsivayan taman te kenè ku egkezawat is tudtul he ebpuun keniyu.”

2 Samuel 15:35

Diyà si Zadok wey si Abiatar he menge memumuhat. Keǥiya nu ziyà te kandan is langun he egkezineg nu ziyà te turuǥan te hadì.

Salmo 35:25

Kenè nu ituǥut he mekekaǥi sikandan te, “Netuman en human is penganduy zey te kedezaat kandin!”

Salmo 55:8

Egaanggaan a ebpen-ahà te egkeelesan ku su wey a kenà meturedu te menge kuntada ku he egkepauk kedì su iring is pauk dan te utew mevendes he vagyu.

Salmo 56:2

Layun a edsurunga te menge kuntada ku. Utew Lavew he Megbevayà, mahabet is egkuntada kediey.

Salmo 57:3

Puun te langit ebpekeuma is tavang nu te kedlibri kediey. Ebpeel-elezan nu is menge etew he edsurung kediey. Ibpeehè nu is gaǥew nu wey kebmetinumanen nu para kediey.