2 Samuel 17:14 - Manobo Western Bukidnon OT

¹⁴ Migkaǥi si Absalom wey is langun he menge sineriǥan te Israel te, “Meupiya pa is sambag ni Hushai he Arkanhen kenà is ki Ahitofel.” Meupiya is sambag ni Ahitofel, piru ketau te Nengazen he kenà ebpemineǥen heini ni Absalom, su wey mezaat is egkepengkusan din.

2 Samuel 17:14 ပူးပေါင်းရင်းမြစ်များ

Genesis 32:28

Ne migkaǥi haaza is etew te, “Puun guntaan kenè en maan Jacob is igngazan kenikew, kekenà, Israel en tenged te nekibuteng ka te Megbevayà wey te etew, ne nekezaag ka.”

2 Samuel 15:31

Duen mibpenudtul ki David he si Ahitofel ne sevaha te nekidsevaha ki Absalom. Ne zutun mid-ampù si David, “Nengazen, himuwa nu he wazà pulus te sambag ni Ahitofel.”

2 Samuel 15:34

Deyzey ke edlikù ka ziyà te inged ne egkeǥiyan nu si Absalom te, ‘Suluǥuen ad kenikew hadì; iring te suluǥuen a te amey nu zutun te nehuna he timpu, ne ǥuntaan iyan ke en teǥisuluǥuen kedì, ne egkeuǥupan e pa kenikew he mevelevaǥi is menge sambag ni Ahitofel.’

2 Samuel 16:23

Dutun he timpu mibpemineg si Absalom te menge sambag ni Ahitofel, iring ded daan dutun is mibeelan ni David hein aney. Su is menge sambag ni Ahitofel in-iring daan te ziyà ebpuun te Megbevayà.

2 Cronica 10:15

Umbe wazà pemineǥa zutun te hadì is hangyù dutun te menge etew, su paaǥi te Megbevayà he iyan egketuman is migkaǥi zin diyà te ki Jeroboam he anak ni Nebat pinaaǥi ki Ahia he tig-Shilo.

2 Cronica 10:8

Peru wazà pezumdumahi ni Rehoboam is sambag dan kandin, kekenà, iyan midhinguma zin is menge vetan-en he iring din te kengunguhezi he ebpenilbi kandin.

2 Cronica 25:16

Dutun te kemulu pa egkaǥi haazà is ebpeneuven, ne midtavak haazà is hadì te, “Maan is edsembaǥan a kenikew? Midhimu ku ve sikew he peresambag? Mebpereremek ka, emun kenè ka egkesuat he ebpatey.” Umbe, mibpereremek haazà is ebpeneuven hein nekepasad sikandin he egkaǥi kayi: “Siguradu he edèdeetan ka te Megbevayà tenged te mid-azap nu is duma he menge ed-ezapen ne wazè ka mebpemineg kedì.”

2 Cronica 25:20

Piru kenà ebpemineg si Amazia, su ketau te Megbevayà he mezezeeti sikandin ni Jehoash tenged te ked-azap din te menge ed-ezapen diyà te Edom.

Nehemias 4:15

Piru hein netuenan te menge kuntada zey he netuenan dey is pelanu zan te kedsurung kenami, wey neisip-isip dan he midezeetan te Megbevayà is pelanu zan, midlikù key pudu medterebahu te kebangun te verengbeng.

Job 12:17

Ed-ewaan din is ketau te menge sumesambag, wey edhimuwen din he tulebung is menge meghuhukum.

Salmo 9:15

Nehitavù diyà te menge nasyun is mezaat he pelanu zan. Iring te iyan sikandan neulug diyà te vudsi he mibeelan dan, etawa iring te iyan sikandan nelitag te kandan he litag.

Salmo 9:16

Impekilala te Nengazen ke hentei sikandin pinaaǥi te metazeng he kedhukum din, ne is lalung he menge etew, iyan nekezezaat kandan is mezaat he menge vaal zan.

Exodus 9:16

Iyan, intuǥut ku he meuyag-uyag ka para kayi he ketuyu-an: su wey nu maahà is gehem ku ne wey a mevantug kayi te tivuuk he kelibutan.

Erubasa 19:21

Mahabet is pelanu te etew piru iyan gihapun egkeulaula is egkesuatan te Nengazen.

Erubasa 21:30

Wazà edlampus he ketau, kedsavut, etawa sambag he igkuntra te Nengazen.

Isaias 8:10

Ke hengkey is pelanu niw he ebpekesuǥat kenami, kenà heini ebmezeeǥen, su zuma zey is Megbevayà.

Penhulùhulù 3:37

Wazà minsan hengkey he egkehitavù he wazà ituǥut te Nengazen.

Amos 9:3

Minsan med-eles pa sikandan diyà te puntur te Buntud he Carmel, ebpen-ahaan ku sikandan dutun ne edekepen ku. Minsan med-eles pa sikandan diyà te zizalem te zaǥat, ne ibpehendutun ku is uled te kegkaǥat kandan.

Deuteronomio 2:30

Piru wazè kiw ipevayà ni Hadì Sihon he hadì te Heshbon. Su mibpekezesen te Nengazen he Megbevayè niw is gehinawa zin su ibeǥey zin sikandin diyà te kenitew, ne imbeǥey zin en iyan.

Josue 11:20

Su mibpekubalan te Nengazen is gehinawa zan su wey zan sukuli te tebek is menge Israilihanen. Ne pinaaǥi kayi egkepurung sikandan egkezeeti ne ebpenhimetayan he kenè ne egkelizuwan, su iyan insuǥù te Nengazen ki Moises.