2 Samuel 16:8 - Manobo Western Bukidnon OT

⁸ Migkuwa nu is ginhedian ni Saul, ne ǥuntaan ebelesan ka te Nengazen te kedhimetayi nu ki Saul wey te pemilya zin. Mid-aǥew nu is ginhedian ni Saul, ne ǥuntaan imbeǥey heini te Nengazen te anak nu he si Absalom. Naawè ka tenged te kebpenhimatey nu.”

2 Samuel 16:8 ပူးပေါင်းရင်းမြစ်များ

2 Samuel 19:19

he egkaǥi te, “Mahal he Hadì, peseyluwa a. Lipati nu en is kenà meupiya he neveelan ku kenikew hein ked-awè nu ziyà te Jerusalem.

2 Samuel 19:21

Ne migkaǥi si Abishai he anak ni Zeruya te, “Kenè be engayan he edhimetayan si Shimei su midrewakan din is hadì he mibpilì te Nengazen?”

2 Samuel 21:1

Dutun te kedhadì ni David, duen nehitavù he vitil seled te tetelu he tuig. Ne zutun nekidlalag si David diyà te Nengazen. Migkaǥi is Nengazen te, “Neulaula is bitil tenged te kebpenhimetayi ni Saul wey te pemilya zin te menge Gibyunhen.”

2 Samuel 21:9

Imbeǥey sikandan ni David te menge Gibyunhen ne midhimetayan sikandan is pitu ziyà te vuvungan he uvey te inged he zutun ed-ezapa is Nengazen. Ne wazè en welenga zutun is menge minatey he lawa zan. Neulaula heini timpu te kebpuun ked-eǥani te barli.

1 Hadì 2:8

“Timan-i nu si Shimei he anak ni Gera, he sevaha he Benjaminhen he tig-Bahurim. Mibpurungan e zin penrewaki hein midhendiyà a te Mahanaim. Iyan, hein neked-uma key ziyà te Wahig he Jordan, nekepenangdù a ziyà te kandin pinaaǥi te ngazan te Nengazen he kenè ku sikandin edhimetayan.

Salmo 3:2

Kesikandan te kenè ke kun edtavang kedì.

Salmo 4:2

Sikiyu is menge etew he egkuntada kediey, sengemenu keluǥayad is kebpeel-elezi niw kedì? Sengemenu keluǥayad is kebmahala niw te menge tuluuwen he wazè dan pulus wey kedsunud te ketetarù?

Salmo 55:3

Egkeǥiyaǥiya a te kebpenhulgà wey kebpendaagdaag te lalung he menge kuntada ku. Su edsinemukan e zan wey edumutan tenged te kegkepeuki zan kedì.

Salmo 7:4

emun mibelesan ku te mezaat is meupiya he mibeelan kedì te emiǥu ku, emun mid-eǥawan ku te menge azen is kuntada ku te wazà hustu he hinungdan,

Erubasa 26:2

Kenà ed-utengan te rawak is etew he wazè din salà. Iiring dà heini te tagbis he edlayang, iyan kenà edlatun.

Zatù 9:24

Neulaula heini su ibpevayad si Abimelec wey is menge tig-Shekem he mid-uǥup kandin te kebpenhimatey zuen te 70 he menge anak ni Gideon he menge suled din.