2 Samuel 16:7 - Manobo Western Bukidnon OT

⁷ Iyan heini menge impenrawak din ki David: “Kenè ka seled kayi he inged, sikew is memumunù wey wazè din pulus he etew!

2 Samuel 16:7 ပူးပေါင်းရင်းမြစ်များ

2 Samuel 12:9

Ne maan is wazè nu tumana is menge lalag ku ne iyan nu maan heini mibeelan is kenè ku igkesuat? Mibpehimetayan nu si Uria he Hitihanen diyà te tebek; mibpehimetayan nu sikandin te menge Amunihanen, ne mid-aǥew nu pa is esawa zin.

2 Samuel 16:6

Mibpenuleng din te vatu si David wey is menge upisyal zin minsan te midlingutan si David te menge sakup din wey menge ebantey kandin.

2 Samuel 19:21

Ne migkaǥi si Abishai he anak ni Zeruya te, “Kenè be engayan he edhimetayan si Shimei su midrewakan din is hadì he mibpilì te Nengazen?”

2 Samuel 20:1

Duen sevaha he etew he tig-Benjamin he layun dà ebpen-ahà te samuk. Iyan ngazan din si Sheba, he anak ni Bicri. Impezaǥing din is budyung ne ebpengulahì te, “Menge tig-Israel, wazè tew lavet ki David he anak ni Jesse! Ebpen-ulì kiw is langun!”

2 Samuel 3:37

Umbe, netuenan human te menge etew te Israel he si Hadì David wazè din kelevetan te kemetayen ni Abner.

1 Hadì 21:10

Ne ipepinuu niw ziyà te etuvangan din is dezuwa he menge buguy para isumbung dan sikandin he mibpenrewakan din is Megbevayà wey is hadì. Ne uwita niw sikandin diyà te gawas te inged ne penulenga niw te vatu taman te ebpatey.”

1 Hadì 21:13

Ne zutun dutun duen nekeuma he dezuwa he menge buguy ne mibpinuu zan diyà te etuvangan ni Nabot, ne insumbung dan sikandin diyà te etuvangan te menge etew. Ke sikandan te, “Mibpenrewakan ni Nabot is Megbevayà wey is hadì.” Umbe mid-uwit dan si Nabot diyà te ǥawas te inged ne mibpenuleng dan te vatu taman te kebpatey zin.

Salmo 3:2

Kesikandan te kenè ke kun edtavang kedì.

Salmo 5:6

Edezeetan nu is menge teruen ne egkeepesan nu is menge etew he ebpenhimatey te etew wey is menge men-aakal.

Salmo 51:14

He Megbevayà he menluluwas ku, libriya a te salè ku he iyan is kedhimatey, ne ebpekezaǥing a is edtudtul te kedlibriya nu kedì.

Salmo 55:3

Egkeǥiyaǥiya a te kebpenhulgà wey kebpendaagdaag te lalung he menge kuntada ku. Su edsinemukan e zan wey edumutan tenged te kegkepeuki zan kedì.

Salmo 55:4

Utew subra is kebpekehuyab te kumeng ku su nahandek a te kemetayen.

Deuteronomio 13:13

is duen duen lalung he menge etew he midtazin dan is menge meǥinged dutun he inged su migkaǥi sikandin te, ‘Ed-azap kiw te selakew en he menge ed-ezapen’ (menge ed-ezapen he wazè niw mekilala).

1 Samuel 2:12

Is dezuwa he menge anak ni Eli menge tulebung he menge etew. Wazè dan medtuman te suǥù kandan te Nengazen.

1 Samuel 25:17

Guntaan is-isipa nu ke hengkey is meupiya he ebeelan nu, su ebpekeveǥey heini te kezeetan diyà te esawa nu pehendiyè en te tivuuk he pemilya. Utew mezaat is betasan din, ne wazè din ebpemineǥen he etew.”