2 Samuel 16:5 - Manobo Western Bukidnon OT

⁵ Hein nekeume en si Hadì David diyà te Bahurim, duen etew he migawas dutun he inged ne mibpenrewakan din si David. Heini he etew ne anak ni Gera he kezuzumahi ni Saul he iyan ngazan din si Shimei.

2 Samuel 16:5 ပူးပေါင်းရင်းမြစ်များ

2 Samuel 16:14

Utew en neveley si David wey is menge sakup din, ne midhimeley sikandan hein nekeuma zan diyà te Wahig he Jordan.

2 Samuel 16:4

Migkaǥi si David te, “Emun iyan heeyan, ne ǥuntaan ibeǥey ku kenikew is langun he ǥaked ni Mefiboshet.” Midtavak si Ziba te, “Mahal he Hadì, andam a he ebpenilbi kenikew. Berakat he igkelipey a kenikew.”

2 Samuel 16:6

Mibpenuleng din te vatu si David wey is menge upisyal zin minsan te midlingutan si David te menge sakup din wey menge ebantey kandin.

2 Samuel 17:18

Piru, zuen nekaahà kandan he sevaha he egkengkenakan, ne intazem din diyà te ki Absalom. Ne zutun migaanggaan dan med-awà dutun is dezuwa ne midhendiyè dan te valey te etew ziyà te Baruhim. Heini he etew ne zuen din kalut diyà te uvey te valey zin, ne zutun mebpenaug si Jonatan wey si Ahimaaz te kalut ne zutun dan med-eles.

2 Samuel 23:31

si Abi Albon he tig-Araba; si Azmavet he tig-Bahurim;

2 Samuel 3:16

Ne si Paltiel, midtinundug sikandin ki Mical he edsineǥew taman te Bahurim. Migkeǥiyan ni Abner si Paltiel he med-ulì en. Ne mid-ulì en daan sikandin.

Ester 2:5

Ne zutun te miberengbeng he inged diyà te Susa, ne zuen Judio he kevuwazan ni Benjamin he iyan ngazan din si Mordecai. Anak sikandin ni Jair he anak ni Shimei te anak ni Kish.

Job 30:11

Guntaan te ebpeluyahan a wey edresayen a te Megbevayà, ebeelan dan en is egkesuatan dan te ebaal kayi te kediey.

Salmo 102:8

Layun a ebpeel-elezi te menge kuntada ku. Edsudien e zan ne egemiten dan he petug-iring is mezaat he kebpekesavuk ku emun edrewakan dan is duma.

Salmo 109:28

Midrewakan e zan, piru edtuvazan a mulà kenikew. Egkepeel-elezan is menge kuntada ku emun edsurungen e zan, ne egkelipey a mulà is suluǥuen nu.

Salmo 69:26

Su ebpesipelahan dan is menge etew he edsilutan nu, ne idantal zan is kebpekebmereǥen dutun te midsilutan nu.

Exodus 22:27

su iyan dà haazà idtambun din te lawa zin emun edlipezeng sikandin. Iulì niw su emun ebpengemuyù sikandin kayi te kediey ebpemineǥen ku sikandin su hihizuwen a.

Exodus 22:28

“Kenè niw sumpelita is Megbevayà wey kenè niw rewaki is ebpengulu keniyu.

Erubasa 26:2

Kenà ed-utengan te rawak is etew he wazè din salà. Iiring dà heini te tagbis he edlayang, iyan kenà edlatun.

Megwewali 10:20

Kenè nu rewaki is hadì minsan pinaaǥi zà te isip nu, wey is sepian minsan meeles dà, su kela ke zuen meketudtul kayi ziyà te kandan.

Isaias 8:21

Edhipanew zan he egkeveley wey egkevitil. Ne tenged te kegkevitil zan, egkepauk sikandan ne edrewakan dan is hadì dan wey is Megbevayè dan. Ne edlingahà sikandan diyà te langit

1 Samuel 17:43

Migkeǥiyan din si David te, “Asu e ve he mid-uwitan nu te lagkut?” Ne midrewakan din si David pinaaǥi te ngazan te ed-ezapen din.