2 Samuel 16:4 - Manobo Western Bukidnon OT

⁴ Migkaǥi si David te, “Emun iyan heeyan, ne ǥuntaan ibeǥey ku kenikew is langun he ǥaked ni Mefiboshet.” Midtavak si Ziba te, “Mahal he Hadì, andam a he ebpenilbi kenikew. Berakat he igkelipey a kenikew.”

2 Samuel 16:4 ပူးပေါင်းရင်းမြစ်များ

2 Samuel 14:22

Midluhud si Joab su edtahud te hadì ne migkaǥi te, “Berakat he tuvazi ka te Nengazen, Mahal he Hadì. Guntaan netuenan ku he nezeliǥan a kenikew su midtuman nu is hangyù ku.”

2 Samuel 14:4

Hein nekeuma haazà is bahi ziyà te hadì, midluhud sikandin tuus te kedtahud he egkaǥi te, “Tevangi a, Mahal he Hadì!”

2 Samuel 14:8

Migkeǥiyan te hadì haazà is bahi te, “Ulì ke en su iyan e en metau. Egkeǥiyan ku sikandan he kenè dan menuwa is anak nu.”

2 Samuel 16:3

Mid-insà si David te, “Hendei en be si Mefiboshet, is apù te egalen nu he si Saul?” Midtavak si Ziba te, “Mibpelintetaǥak sikandin diyà te Jerusalem, tenged te mid-isip din he iyan sikandin edhimuwen he hadì te keet-etawan te Israel kayi he menge timpu te ginhedian te apù din.”

2 Samuel 16:5

Hein nekeume en si Hadì David diyà te Bahurim, duen etew he migawas dutun he inged ne mibpenrewakan din si David. Heini he etew ne anak ni Gera he kezuzumahi ni Saul he iyan ngazan din si Shimei.

2 Samuel 19:27

Ne mibaalvaal te lalag he kenè e kun eduma kenikew. Piru wazè ka meelesi su iring ka te velinsuǥuen te Megbevayà, umbe veeli nu is mid-isip nu he meupiya.

2 Samuel 9:6

Is ngazan te anak ni Jonatan ne iyan si Mefiboshet ne apù sikandin ni Saul. Hein nekeuma sikandin diyà te ki David ne midluhud sikandin he edtahud. Migkaǥi si David te, “Mefiboshet?” Ne midtavak sikandin te, “Uya, datù.”

2 Samuel 9:9

Ne impetawag te hadì si Ziba, he suluǥuen dengan ni Saul, ne migkeǥiyan din te, “Ibeǥey ku ki Mefiboshet, he apù te egalen nu he si Saul, is langun he azen ni Saul wey te pemilya zin.

Exodus 23:8

“Kenè kew medawat te sipsip, su is sipsip iyan ebpekepelakap te etew su minsan netuenan din en is tutuu, edtuisen din gihapun is menge lalag te metazeng he etew.

Erubasa 18:13

Taleng wey ebpeeled-eled is etew he tekew en edtavak te wazè din pemineǥa.

Erubasa 18:17

Emun diyà te husayen, is egkehuna he egkaǥi, henduen be te iyan en ebpekevenar, iyan, wey ebpekelepew is hustu emun ebpekedtevakè en haazà is dezuwa he edhusayen.

Erubasa 19:2

Kenà meupiya emun tekew ki en egkeleglegetayi te wazè ta metueni is ked-ul-ula zuen wey is egkehimu he rimeǥas din. Kenà meupiya is kedegdeǥusu su kela ke mesayep ki.

Deuteronomio 19:15

“Kenè kew hukum he nekesalà is sevaha he etew emun sevaha zà is ebpenististiǥus he nekesalà haazà. Is sumbung kinahanglan he zezuwa etawa tetelu he tistiǥus is ebpenistiǥus zuen.