2 Samuel 16:11 - Manobo Western Bukidnon OT

¹¹ Migkeǥiyan ni David si Abishai wey is langun he menge upisyal zin te, “Emun edtinguhà is anak ku te kedhimatey kedì, iyan pe be heini is kezuzumahi ni Saul? Beleǥaza niw en sikandin su Nengazen is midsuǥù kandin.

2 Samuel 16:11 ပူးပေါင်းရင်းမြစ်များ

Genesis 15:4

Ne zutun midtavak kandin is Nengazen , ke sikandin te, “Kenà iyan heini si Eliezer ebpekepengevilin su iyan dà ebpekepengevilin te menge azen nu is hustu en he anak nu.”

Genesis 45:5

Kenè kew meseeng, ne kenè kew mebasul te ingkevelegyà a keniyu kayi, su paaǥi heini te Megbevayà is impehuna a kayi para meluwas kew te mereǥen he ked-ubpà.

2 Samuel 20:1

Duen sevaha he etew he tig-Benjamin he layun dà ebpen-ahà te samuk. Iyan ngazan din si Sheba, he anak ni Bicri. Impezaǥing din is budyung ne ebpengulahì te, “Menge tig-Israel, wazè tew lavet ki David he anak ni Jesse! Ebpen-ulì kiw is langun!”

2 Samuel 7:2

Ne sevaha he andew, migkeǥiyan ni David is ebpeneuven he si Natan te, “Kayi e en guntaan med-ubpà te utew mekempet he ubpeey he is menge pengawid din, ne ebpuun te kayu he sidru, piru haazà is Kavan te Kebpekid-uyun te Megbevayà ne zutun dà te tulda.”

2 Hadì 19:37

Ne sevaha he andew, zutun te edsimba si Senakerib diyà te simbahan te ed-ezapen din he si Nisroc, midhimetayan sikandin te zezuwa he anak din he maama he si Adramilec wey si Sharezer pinaaǥi te ispada. Ne mibpelaǥuy sikandan diyà te Ararat. Ne is anak din he si Esarhadon iyan mid-ilis kandin te kedhadì

2 Cronica 32:21

Ne midsuǥù te Nengazen is belinsuǥuen he mibpurung medezaat te menge memetau he menge sundaru, menge peremandar, wey te menge upisyal te Asiria ziyà te kampu te hadì te Asiria. Umbe mid-ulì si Hadì Senakerib he nepeel-elezan utew. Ne hein midseled sikandin diyà te simbahan he ed-ezapan te ed-ezapen din, midhimetayan sikandin te zuma he menge anak din pinaaǥi te ispada.

Salmo 109:28

Midrewakan e zan, piru edtuvazan a mulà kenikew. Egkepeel-elezan is menge kuntada ku emun edsurungen e zan, ne egkelipey a mulà is suluǥuen nu.

Ezekiel 14:9

“Emun egkelimbungan is sevaha he ebpeneuven dutun te kedtagnè din, ne tenged heeyan te iyan a is Nengazen midlimbung kandin. Edsilutan ku sikandin ne edsegseǥen ku puun te menge etew ku he Israilihanen.

Ezekiel 20:25

Umbe, mibey-anan ku en sikandan he ebpedayun edtuman te menge suǥù wey menge sulunuzen he kenà meupiya wey kenà ebpekeveǥey kandan te meluǥayad he untung.

1 Samuel 26:19

Mahal he Hadì, pemineǥa nu is egkeǥiyen ku. Emun iyan is Nengazen edsuǥù kenikew te kedhimatey kedì, deyzey pezem ke egkehizuwan e zin pinaaǥi te kedewata zin te pemuhat ku. Ne emun ketau zà te etew, ne deyzey pezem ke rewaki sikandan te Nengazen. Su impepelaǥuy e zan puun te tanà he gaked te Nengazen ne migkeǥiyan e zan te ibpesilbi ad te zuma he menge ed-ezapen.