2 Samuel 16:10 - Manobo Western Bukidnon OT

¹⁰ Piru migkaǥi haazà is hadì te, “Sikiyu is menge anak ni Zeruya, hengkey is kelevetan niw? Emun midsuǥù sikandin te Nengazen he penrewaki e zin, ne hentei e ves is edawey kandin?”

2 Samuel 16:10 ပူးပေါင်းရင်းမြစ်များ

Genesis 50:20

Su minsan pa te mezaat is tuyù niw kediey, mibpengelinteuwan te Megbevayà he meupiya is pangkus din. Su impelavew e zin su wey kiw is mezakel melibri ne kenà meumes.

2 Samuel 19:22

Migkaǥi si David te, “Sikiyu is menge anak ni Zeruya, hengkey is lavet niw? Kenè niw supaka is ebeelan ku ǥuntaan. Iyan e en hadì guntaan te Israel, ne wazà edhimetayan he etew te Israel ǥuntaan he andew.”

2 Samuel 19:23

Umbe, migkeǥiyan ni David si Shimei te, “Ibpesarig ku he kenè ka edhimetayan.”

2 Samuel 3:39

Ne minsan iyan a mibpilì he hadì guntaan, kenè ku egkeveyveyaan si Joab wey si Abishai, he menge anak ni Zeruya. Nereǥenan a utew kandan. Umbe, iyan en is Nengazen ebales te lalung he menge etew te kelelalung he menge vaal zan.”

1 Hadì 17:18

Migkaǥi haazà is bahi ziyà te ki Elias te, “Sikew is suluǥuen te Megbevayà hengkey is ingkepeuki nu kediey? Iyan be inhendini nu su edhimetayan nu is anak ku su silut kedì tenged te menge salè ku?”

1 Hadì 2:5

“Heini pa is pemilinbilin ku kenikew: Netuenan nu ke hengkey is mibeelan ni Joab he anak ni Zeruya kayi te kedì dutun te kedhimetayi zin te zezuwa he peremandar te menge sundaru te Israel he si Abner he anak ni Ner wey si Amasa he anak ni Jeter. Midhimetayan din sikandan he henduen be te menge kuntada, piru mibeelan din haazà te timpu he wazà tebek. Iyan sikandin duen din televaken te kemetayen dan.

2 Hadì 18:25

Egkeisip nu ve he wazà a suǥua te Nengazen te kedhendini te kedezaat kayi he nasyun? Iyan mismu is Nengazen midsuǥù kedì te kedsurung wey kedezaat kayi he nasyun.”

Job 9:12

Emun duen din egkesuatan te egkuwa, ne wazà ebpekeeǥen kandin. Wazà etew he zuen din gehem te kedriklamu ke hengkey is ebeelan te Megbevayà.

Salmo 39:9

Ebpereremek e en; kenà ad edriklamu, su iyan ka midrasey kedì.

Megwewali 8:4

Duen gehem te menge suǥù te hadì, ne wazà ebpekesupak kayi.

Penhulùhulù 3:37

Wazà minsan hengkey he egkehitavù he wazà ituǥut te Nengazen.

Daniel 4:35

Kenè en ebpekesusuluwan is menge etew kayi te kelibutan emun idhindeg kandin. Ebeelan din is egkesuatan din diyà te menge velinsuǥuen diyà te langit wey ziyà te menge etew kayi te tanà. Wazà ebpekeeǥen wey ebpekevelavag kandin.’

1 Samuel 26:19

Mahal he Hadì, pemineǥa nu is egkeǥiyen ku. Emun iyan is Nengazen edsuǥù kenikew te kedhimatey kedì, deyzey pezem ke egkehizuwan e zin pinaaǥi te kedewata zin te pemuhat ku. Ne emun ketau zà te etew, ne deyzey pezem ke rewaki sikandan te Nengazen. Su impepelaǥuy e zan puun te tanà he gaked te Nengazen ne migkeǥiyan e zan te ibpesilbi ad te zuma he menge ed-ezapen.