2 Samuel 15:32 - Manobo Western Bukidnon OT

³² Hein diyè en ensi David te puntur te Buvungan te menge Olibo, he zutun ed-ezapa te menge etew is Megbevayà. Duen midsinuǥung ki David he si Hushai he Arkanhen. Nengevindas is kumbalè din ne eliyevuken is ulu zin he tuus te edlalew sikandin.

2 Samuel 15:32 ပူးပေါင်းရင်းမြစ်များ

2 Samuel 1:2

Iketelu he andew, zuen nekeuma zutun te Ziklag he etew he ebpuun diyà te kampu ni Saul, he nengevindas is kumbalè din, ne nepurung te eliyavuk is ulu zin su ibpeehè din he edlalew sikandin. Midhendiyà sikandin te ki David ne midluhud su edtahud kandin.

2 Samuel 13:19

Iyan mid-ulaula ni Tamar zutun is, mibindas din haazà is meupiya he visti wey melayat, ne mibukbukan din is ulu zin te avu. Ne midhipanew is edsinsineǥew ne mid-elangan din te velad din is dagwey zin.

2 Samuel 15:30

Midtekezeg si David diyà te Buvungan te menge Olibo. Ne wazè din sendalyas ne edtembunan din is ulu zin he edsineǥew. Ne ebpemenineǥew zaan haazà is menge zuma zin he edtambun daan te menge ulu zan.

2 Samuel 16:1

Hein nekelavey en si David dutun te puntur te vuvungan, midsinuǥung sikandin ni Ziba he suluǥuen ni Mefiboshet. Duen dezuwa he asnu zin he migkergahan te 200 he vuuk he supas, 100 he akup he pasas, 100 he nengelutuan he prutas, wey vinu he ziyà itaǥù te mibeelan he teleǥuey he lundis.

2 Samuel 16:15

Midhendiyà si Absalom te Jerusalem duma si Ahitofel wey is langun he keet-etawan te Israel.

2 Samuel 17:5

Piru migkaǥi si Absalom te, “Ipehengkayi si Hushai he Arkanhen, wey ta mezineg ke hengkey is egkekaǥi zin.”

1 Hadì 11:7

Mibpevaal si Solomon te simbahan diyà te metikang he lugar he zapit te edsilaan te Jerusalem, he para ki Kemosh, te utew mezaat he ed-ezapen te menge Moabitanhen. Mibpevaal zaan sikandin te simbahan he para ki Molec, kes utew mezaat he ed-ezapen te menge Amunihanen.

1 Hadì 4:16

Si Baana he anak ni Hushai, is gubirnedur te Asher wey te Alot.

1 Cronica 27:33

Si Ahitofel is sevaha pa he megsesambag te hadì. Si Hushai he Arkanhen ne utew emiǥu te hadì.

Salmo 3:7

Sigi en, Nengazen he Megbevayè ku, libriya a! Su zengan mibpeel-elezan nu is langun he kuntada ku he menge lalung; ne in-awè nu is gehem dan he iyan pezem kedezaat kedì.

Salmo 50:15

Umawa a keniyu te timpu te kelised su edlibriyen ku sikiyu, ne zutun edeliǥen a keniyu.”

Salmo 91:15

Emun ed-umawen e zin, ne edtevaken ku sikandin; emun edlised sikandin, ne eduma a kandin; edlibriyen ku sikandin wey ebeǥayan ku te zengeg.

Josue 16:2

Puun te Betel (he iyan is Luz), ne ebpekevayà diyà te Atarot he mid-ubpaan te menge Arkanhen.

1 Samuel 4:12

Dutun he andew te tebek, duen sevaha he etew he nekepelaǥuy he sakup te pemilya ni Benjamin ne mibpehendiyà te Shilo. Mibindas din is kumbalè din, ne mibukbukan din is ulu zin te eliyavuk he tuus te utew mesakit is gehinawa zin.