2 Samuel 15:31 - Manobo Western Bukidnon OT

³¹ Duen mibpenudtul ki David he si Ahitofel ne sevaha te nekidsevaha ki Absalom. Ne zutun mid-ampù si David, “Nengazen, himuwa nu he wazà pulus te sambag ni Ahitofel.”

2 Samuel 15:31 ပူးပေါင်းရင်းမြစ်များ

2 Samuel 15:12

Dutun te kemula pa ebpemuhat si Absalom te menge pemuhat, impetawag din si Ahitofel he ziyà te inged he Gilo. Heini si Ahitofel ne zutun heini he meǥinged, wey sevaha sikandin te menge megsesambag ni David. Hein neuǥet ne midmezakel en is midsunud ki Absalom, umbe mibmelig-en utew is pelanu zin te kebpekidsukulà ki David.

2 Samuel 16:23

Dutun he timpu mibpemineg si Absalom te menge sambag ni Ahitofel, iring ded daan dutun is mibeelan ni David hein aney. Su is menge sambag ni Ahitofel in-iring daan te ziyà ebpuun te Megbevayà.

2 Samuel 17:14

Migkaǥi si Absalom wey is langun he menge sineriǥan te Israel te, “Meupiya pa is sambag ni Hushai he Arkanhen kenà is ki Ahitofel.” Meupiya is sambag ni Ahitofel, piru ketau te Nengazen he kenà ebpemineǥen heini ni Absalom, su wey mezaat is egkepengkusan din.

2 Samuel 17:23

Hein netuenan ni Ahitofel he wazà pezumdumahi is menge sambag din, ne mid-untuzan din is asnu zin ne mid-ulì diyà te inged din. Nemilinbilin sikandin te pemilya zin ne midhiket sikandin pinaaǥi te kebitey. Diyè ded ileveng sikandin te midlevengan te amey zin.

2 Samuel 17:5

Piru migkaǥi si Absalom te, “Ipehengkayi si Hushai he Arkanhen, wey ta mezineg ke hengkey is egkekaǥi zin.”

2 Samuel 17:7

Migkeǥiyan ni Hushai si Absalom te, “Guntaan kenà meupiya heini is menge sambag ni Ahitofel.

Job 5:12

Edezeetan din is menge pelanu te limbungan he menge etew, su para kenà sikandan mebmezeeǥen.

Salmo 109:3

Layun mezaat is menge lalag dan he ebpekesuǥat kedì minsan wazà hinungdan.

Salmo 3:1

Nengazen, mahabet is kuntada ku; mahabet is ebpekigkuntada kedì!

Salmo 41:9

Minsan is emiǥu ku utew he egkeseriǥan ku he mibpekidtuǥen kedì te egkaan ne iyan midluib kedì.

Salmo 55:10

Maandew wey mezukilem egkehitavù heini ziyà te minsan hendei zutun te inged. Nepenù te kelelalung wey kesamuk haazà is inged.

Salmo 55:12

Ke và ku zà kuntada is ed-insultu kedì ne egkaantus ku heini. Ke và ku zà ukag is ebpendezeisey kedì ne egkelikayan ku sikandin.

Isaias 19:3

Egkaawà is kevurut te menge Ehiptohanen, ne edhimuwen ku he meliveg sikandan is ebpelanu. Edangep dan diyà te menge ed-ezapen dan, diyà te menge ǥimukud te nemematey en, diyà te menge veyilan, wey menge etew he edsarig te menge mulin-ulin.

Isaias 44:25

Wazè ku mehimuwa he metuman is menge tagnà te teruen he menge ebpeneuven. Ne edhimuwen ku he menge tulebung is menge menenagnà. Edhimuwen ku he kenà medselir is ketau te menge uluwanen, wey edhimuwen ku he kenà ebpulus is netuenan dan.