2 Samuel 15:26 - Manobo Western Bukidnon OT

²⁶ Piru emun kenè e zin en igkelipey ne andam ad minsan hengkey is ekegesuatan din he ebeelan din kedì.”

2 Samuel 15:26 ပူးပေါင်းရင်းမြစ်များ

2 Samuel 10:12

Ebpekezesen kiw! Ebpekevurut kiw he ebpekidtebek para te menge keet-etawan tew wey te menge inged te Megbevayè tew. Su ebeelan te Nengazen ke hengkey is meupiya para kandin.”

2 Samuel 11:27

Neiwas is kedlalew zin, ne impekuwa sikandin ni David ne mid-uwit din diyà te turuǥan din. Mid-esawa sikandin ni David, ne wazà meuǥet ne mid-anak sikandin te maama. Piru wazà mesuat is Nengazen te mibeelan ni David.

2 Samuel 19:28

Ereg pezem he ebpenhimetayan nu is menge kevuwazan te apù ku, piru siak is suluǥuen nu ne nehizuwan nu su impekaan nu zuma kenikew. Umbe kenà ad ereg he edhangyù pa kenikew te pebur.”

2 Samuel 22:20

Midlibri a kenikew te ebpekekaid pezem kedì su ingkesuat a kenikew.

1 Hadì 10:9

Ereg he edeliǥen is Nengazen he Megbevayè nu, nelipey kenikew wey midhimu kenikew he hadì te Israel. Tenged te wazà pidtemanan he ǥaǥew te Nengazen te menge Israilihanen, midhimu ke zin he hadì su para egkezumahan te hustu he kukuman wey ketazeng is kegemita nu te ǥehem nu.”

1 Cronica 21:7

Wazà daan mesuat is Megbevayà te heini he suǥù ni David, umbe midsilutan din is Israel.

2 Cronica 9:8

Ereg he edeliǥen is Nengazen he Megbevayè nu, he nelipey kenikew wey midhimu kenikew he hadì para edhadì ka para kandin. Tenged te gaǥew te Megbevayè nu te Israel wey te suat din he mebpedayun heini he nasyun te wazà pidtemanan, midhimu ke zin he hadì kayi, para meveeli nu is hustu wey metazeng diyà te menge etew.”

Salmo 39:9

Ebpereremek e en; kenà ad edriklamu, su iyan ka midrasey kedì.

Isaias 42:1

Migkaǥi is Nengazen te, “Heini zed is suluǥuen ku he edlig-enan ku. Mibpilì ku heini ne ingkelipey ku sikandin. Midumala ku sikandin te Mulin-ulin ku, ne edhimuwen din diyà te menge nasyun is paaǥi he wazà duen egkevintahaan.

Isaias 62:4

Kenè ke en egngezanan he “Sinelikwey” etawa “Mekevulungbulung,” kekenà, egngezanan ke en he “Kelipey te Megbevayà” etawa “Esawa te Megbevayà,” su ingkelipey ka te Nengazen ne iring te mibpees-eseweey kew.

Jeremias 22:28

Jehoyakin, neiring ka te nerupet he ziniyun he intimbag su wazè din en pulus. Iyan heeyan hinungdan ke maan is idtimbag ku sikew wey is menge anak nu ziyà te inged he wazè niw zuen hanew.”

Jeremias 32:41

Igkelipey ku is kebaal te meupiya ziyà te kandan, ne ebpuun diyà te tivuuk he ǥehinawa ku is kebpeubpaa ku kandan kayi he tanà.”

Numero 14:8

Emun nekepenunuat kiw te Nengazen, egiyahan kiw zin te kedhendutun te tanà he meupiya wey selebpeten, ne ibeǥey zin kenitew.

Josue 9:25

Ne ǥuntaan kayi key en te zizalem te ǥehem nu, ne iyan ke en metau ke hengkey is ereg he ebeelan nu kenami.”

Zatù 10:15

Piru migkeǥiyan dan is Nengazen te, “Nekesalè key ziyà te kenikew umbe veeli nu kayi te kenami is egkesuatan nu. Piru kehizuwi key, ne libriya key ǥuntaan.”

1 Samuel 3:18

Ne zutun midtudtul ni Samuel is langun. Wazè din in-eles. Ke si Eli te, “Iyan sikandin kes Nengazen; is egkeisip din he meupiya, iyan ebeelan din.”