2 Samuel 15:10 - Manobo Western Bukidnon OT

¹⁰ Hein diyè en si Absalom te Hebron, ne mid-eles-eles sikandin medsuǥù te menge etew he ibpepenudtul ziyà te tivuuk he Israel he egkaǥi te, “Emun egkezineg niw is daǥing te vudyung, ne pemensag kew te, ‘Si Absalom en is hadì te Israel, ne ziyà sikandin midhadì te Hebron!’ ”

2 Samuel 15:10 ပူးပေါင်းရင်းမြစ်များ

2 Samuel 13:28

Migkeǥiyan ni Absalom is menge sakup din te, “Teǥazi niw ke egkelangut si Amnon, ne emun edsinyas a, ne himetayi niw en sikandin. Kenè kew mahandek; su iyan a midsuǥù keniyu. Pekezesen kew wey pekevurut kew.”

2 Samuel 14:30

Migkeǥiyan ni Absalom is menge suluǥuen din te, “Binsuli niw is menge pemuleey ni Joab he mibpemulaan te barli. Durug dà te vevesukè ku.” Umbe mibinsulan dan is bevesukà ni Joab.

2 Samuel 15:9

Migkeǥiyan sikandin te hadì te, “Uya, meupiya is hipanew nu.” Umbe midhendiyà si Absalom te Hebron.

2 Samuel 19:10

Guntaan, si Absalom is mibpilì tew he iyan pengulu tew minatey ziyà te tebek. Deyzey ke ebpengehè kiw te paaǥi he ikepelikù tew si David te kedhadì?”

2 Samuel 2:1

Nepasad haazà, nenginginsà si David te Nengazen, “Edlikù e ve ziyà te sevaha he inged he sakup te Juda?” Midtavak is Nengazen te, “Uya.” Mid-insà si David te, “Hendei?” Midtavak is Nengazen te, “Diyà te Hebron.”

2 Samuel 2:11

ne midhadì dutun si David seled te pitu he tuig wey heenem he vulan. Diyà sikandin med-ubpà te Hebron.

2 Samuel 5:5

Pitu he tuig wey heenem he vulan is kedhadì din diyà te Juda hein diyè pa med-ubpà sikandin te Hebron, ne 33 he tuig is kedhadì din te tivuuk he Israel wey Juda hein diyà sikandin med-ubpà te Jerusalem.

1 Hadì 1:11

Midhendiyà si Natan te ki Batsheba he iyan iney ni Solomon, ne mid-insà te, “Wazè nu ve metueni he midhimu en ni Adonia is keugelingen din he hadì, ne wazà heini metueni ni Hadì David?

1 Hadì 1:34

Ne emun diyè kew en, sikiyu Zadok wey Natan, iyan kew medlana ziyà te ulu ni Solomon te kebpekilala he iyan sikandin pinilì he hadì te Israel. Ne zutun pezaǥing kew te vudyung ne ivensag niw is lalag he edhenduen te, ‘Mebmeluǥayad is untung ni Hadì Solomon!’

2 Hadì 9:13

Mid-awà dutun te menge upisyal is samput dan ne indempas dan diyà te heǥezan he edhitindeǥan ni Jehu. Mibpezaǥing dan te vudyung ne ingkulahì dan is lalag he edhenduen te, “Si Jehu en is hadì!”

1 Cronica 11:3

Umbe, ziyà te Hebron, mibaal si David te kebpekid-uyun te menge pengulu te Israel ziyà te etuvangan te Nengazen, ne midlenahan dan is ulu ni David te lana he ibpeehè dan he iyan en sikandin hadì te Israel, sumalà is insaad te Nengazen pinaaǥi ki Samuel.

1 Cronica 12:23

Iyan heini kezakel te neǥumeenan he menge sundaru he midhendiyà te ki David diyà te Hebron he ed-uǥup kandin he maaǥew zin is ginhedian ni Saul, sumalà te insaad te Nengazen.

1 Cronica 12:38

Iyan heini langun he menge sundaru he mibuluntaryu he ebpekidtebek. Midhendiyè dan te Hebron he zekelà is tinguhè dan te kedhimuwa ki David he hadì te tivuuk he Israel. Hapit is langun he menge Israilihanen ne utew egkesuat he si David is egkehimu he hadì dan.