2 Samuel 14:8 - Manobo Western Bukidnon OT

⁸ Migkeǥiyan te hadì haazà is bahi te, “Ulì ke en su iyan e en metau. Egkeǥiyan ku sikandan he kenè dan menuwa is anak nu.”

2 Samuel 14:8 ပူးပေါင်းရင်းမြစ်များ

2 Samuel 14:7

Ne zutun nemenhendiyà is langun he menge kezuzumahi ku he egkaǥi te, ‘Iveǥey nu kenami heeyan is anak nu, su edhimetayan dey sikandin su midhimetayan din is suled din. Kenà engayan sikandin he ebpengevilin te ketiǥeyunan te amey zin.’ Emun ebeelan dan heini, egkaawà kayi te kedì is nesamà he anak ku he iyan dà edseriǥan ku he ebpekeuǥup kedì, wey egketazin en is ngazan te esawa ku kayi te kelibutan.”

2 Samuel 14:9

Migkaǥi haazà is bahi te, “Mahal he Hadì, ke zuen edsumbung kenikew tenged te mid-uǥupan a kenikew, ne televaken ku wey te pemilya ku heeyan ne kenà kenikew.”

2 Samuel 16:4

Migkaǥi si David te, “Emun iyan heeyan, ne ǥuntaan ibeǥey ku kenikew is langun he ǥaked ni Mefiboshet.” Midtavak si Ziba te, “Mahal he Hadì, andam a he ebpenilbi kenikew. Berakat he igkelipey a kenikew.”

Job 29:16

Nehimu a he amey te menge pubri; minsan is menge lumelengyawà, midtevangan ku te menge kasu zan.

Erubasa 18:13

Taleng wey ebpeeled-eled is etew he tekew en edtavak te wazè din pemineǥa.