2 Samuel 14:28 - Manobo Western Bukidnon OT

²⁸ Diyà med-ubpà si Absalom te Jerusalem seled te zezuwa he tuig he wazè din maahà is hadì.

2 Samuel 14:28 ပူးပေါင်းရင်းမြစ်များ

Genesis 33:10

Piru midteǥel ni Jacob, ke sikandin te, “Sigi en, dewata nud haazà. Su emun tutuu he igkeǥaǥew a kenikew dewata nu en is gasa ku kenikew. Su hein kedtengtengi ku te zagwey nu ne henduen be te zagwey te Megbevayà. Ne ǥuntaan te midawat a kenikew,

Genesis 43:3

Ne midtavak si Juda te, “Haazà is gubirnedur, mibpeketelteleenan key zin he kenà egkehimu he ebpekeetuvang key ziyà te kandin emun kenè dey egkezuma is hazi zey.

2 Samuel 14:24

Piru migkaǥi is hadì te, “Dutun niw ipeubpà sikandin te valey zin; kenè ku egkesuatan he meehè ku kayi te turuǥan.” Ne mid-ulì si Absalom diyà te valey zin ne wazè en sikandin mebpaahà te hadì.

2 Samuel 14:29

Sevaha zutun he andew, impetawag ni Absalom si Joab su ibpehendiyè din te hadì para melelaǥi zin mehitenged kandin. Piru wazà mebpemineg si Joab he ibpehendiyà ni Absalom. Impeuman din ipetawag si Joab, piru wazà gihapun medhendiyà.

1 Hadì 1:53

Ne impekua ni Hadì Solomon si Adonia dutun te pemuhatà, ne kebpekeuma ni Adonia, midluhud sikandin te kedtahud ki Hadì Solomon. Migkaǥi si Solomon diyà te kandin te, “Ulì ka.”

1 Hadì 2:36

Ne impetawag duen te hadì si Shimei ne migkeǥiyan din te, “Bangun ka te keugelingen nu he valey kayi te Jerusalem ne zutun ka ubpà. Kenè ka awà kayi te inged, ne kenè ka hendiyà te zuma he lugar.