2 Samuel 14:26 - Manobo Western Bukidnon OT

²⁶ Kesevaha zà sikandin ebpaalut te senge-tuig, ne ebpaalut sikandin su egkeveǥatan sikandin te bulvul zin. Emun edtimbangen is bulvul zin ne zezuwa he kilu is keveǥat emun dutun te timbangan te hadì.

2 Samuel 14:26 ပူးပေါင်းရင်းမြစ်များ

Genesis 23:16

Ne mid-uyun dutun si Abraham sumalà is migkaǥi ni Efron, ne midtimbang din is 400 he vuuk he pelata sumalà is keveǥat he neuyunan he zaan te menge nigusyanti zutun. Ne imbayad din heini ki Efron dutun te etuvangan te menge Hitihanen.

2 Samuel 18:9

Timpu te tebek, nesinuǥung te menge sakup ni David si Absalom, ne mibpelaǥuy sikandin he ed-untud te kudà. Ne nenursuriyuk diyà te dizalem te merapung he menge subpang te kayu he ulayan, ne nekesanggat is ulu zin dutun te kayu. Ne midlaus en is kudè din mebpelelaǥuy, ne netaǥak en sikandin is nevivitey zutun te kayu.

Isaias 3:24

Kenè en hinuun sikandan ebmehemut, kekenà, ebmemahù dan. Pisì dà is bagkes dan, ne ed-upawan is meupiya he vulvul zan. Is mahalen he menge visti zan ed-ilisan te saku, ne egkaawà is kekempet dan.

Ezekiel 44:20

“Kinahanglan he kenà sikandan mebpevangul wey mebpemelayat te vulvul, kekenà, layun dan dà heini peeluti.

Leviticus 19:36

Gemita niw is hustu he timbangan, tekesà, wey sukud. Iyan a kes Nengazen he Megbevayè niw he mibpeǥawas keniyu ziyà te Ehipto. Tumana niw is langun he menge sulunuzen he ibpesunud ku wey menge suǥù ku.