2 Samuel 14:24 - Manobo Western Bukidnon OT

²⁴ Piru migkaǥi is hadì te, “Dutun niw ipeubpà sikandin te valey zin; kenè ku egkesuatan he meehè ku kayi te turuǥan.” Ne mid-ulì si Absalom diyà te valey zin ne wazè en sikandin mebpaahà te hadì.

2 Samuel 14:24 ပူးပေါင်းရင်းမြစ်များ

Genesis 43:3

Ne midtavak si Juda te, “Haazà is gubirnedur, mibpeketelteleenan key zin he kenà egkehimu he ebpekeetuvang key ziyà te kandin emun kenè dey egkezuma is hazi zey.

2 Samuel 13:20

Ne naahà sikandin te kakey zin he si Absalom ne mid-insaan din, “Duen be mezaat he mibeelan kenikew ni Amnon? Kenè nu heini tudtula ziyà te zuma, su telesuled kew ziyà te amey. Kenè nu itaǥù diyà te isip nu is neulaula kenikew.” Ne zutun diyà med-ubpà si Tamar te valey te kakey zin he si Absalom, ne layun dà sikandin edsebsevaha is edlalew.

2 Samuel 14:28

Diyà med-ubpà si Absalom te Jerusalem seled te zezuwa he tuig he wazè din maahà is hadì.

2 Samuel 3:13

Midtavak si David te, “Uya, ebaal a te kesebutan ta, asal duen ku zaan hangyù kenikew: emun edlikù ka kayi te kedì ne uwita nu is esawa ku he si Mical he anak ni Saul.”

Exodus 10:28

Migkeǥiyan duen te hadì si Moises te, “Awè ka kayi te etuvangan ku! Ne kenè ke en peuman paahà kedì! Su ebpehimetayan ku en sikew emun ed-uman ke pa ebpekid-etuvang kedì.”