2 Samuel 14:19 - Manobo Western Bukidnon OT

¹⁹ Mid-insà is hadì te, “Iyan be si Joab mibpenurù kenikew kayi?” Midtavak haazà is bahi te, “Kena a ebpekevelivad te tavak te insè nu, Mahal he Hadì. Uya, si Joab he suluǥuen nu is midsuǥù kedì te kebaal kayi wey iyan sikandin mibpenurù ke hengkey is egkeǥiyen ku.

2 Samuel 14:19 ပူးပေါင်းရင်းမြစ်များ

2 Samuel 11:11

Midtavak si Uria te, “Sikan is Kavan te Kebpekid-uyun wey is menge sundaru te Israel wey Juda diyà te kampu zan diyà te menge suǥud, ne zutun daan is peremandar zey he si Joab wey is menge upisyal zin. Ebpekehimu e pe be he ed-ulì te kegkaan, ked-inum, wey te kedhulid te esawa ku? Ibpenangdù ku kenikew he kenè ku egkeulaula is iring keniyan.”

2 Samuel 14:18

Ne migkeǥiyan te hadì haazà is bahi te, “Uya, tudtuli a te tutuu mehitenged te id-insè ku kenikew.” Midtavak haazà is bahi te, “Uya, Mahal he Hadì.”

2 Samuel 14:3

Ne pehendiyè ka te hadì ne keǥiya nu kandin is migkaǥi ku kenikew.” Ne migkaǥi ni Joab kandin is egkeǥiyen din diyà te hadì.

2 Samuel 18:13

Emun midhimetayan ku si Absalom ne egketuenan te hadì heini ne kenè e man kenikew edlevanan.”

2 Samuel 3:27

Hein diyè en si Abner te Hebron, miduma sikandin ni Joab diyà te pultahan te inged he iyan dan dà is dezuwa. Mid-ekalan din te zuen dan kun edlelaǥen. Hein nekeuma zan dutun midunggab ni Joab si Abner ziyà te getek su impenimales din is kedhimetayi ni Abner ki Asahel te suled din. Ne minatey si Abner.

2 Samuel 3:29

Si Joab wey is pemilya zin iyan duen din televaken. Deyzey pezem ke is pemilya zin ne letuni te zaru he ebpenggewasan te meremerik is sudiyè dan, duen daru te lundis, mengehimu he inutil wey mebpematey te tebek wey layun bitila.”

2 Samuel 3:34

Wazà bekusa is menge velad wey menge paa zin; midhimetayan sikandin te lalung he menge etew.” Midsineǥew en maan is langun he menge etew tenged ki Abner.

2 Hadì 2:2

Ne migkeǥiyan ni Elias si Elisha te, “Kayi ke zà, su ibpehendiyà a te Nengazen te Betel.” Piru midtavak si Elisha te, “Ebpenangdù a ziyà te uuyag he Nengazen wey ziyà te kenikew he kenà a edsuwey kenikew.” Umbe mibpezumehè dan en diyà te Betel.

Exodus 4:15

Lelaǥi nu sikandin, ne ipenurù nu kandin is egkeǥiyen din. Ne ed-uǥupan ku sikiyu is dezuwa te kegkaǥi, wey ibpenurù ku keniyu is ereg he ebeelan niw.

Erubasa 25:2

Ebentuǥen tew is Megbevayà tenged te menge egkengeulaula he wazè din ipezayag kenitew; ebentuǥen tew is menge hadì tenged te menge ibpezayag dan kenitew.

Erubasa 4:27

Pengungubpaan ka he metazeng; likayi nu is kebaal te mezaat.

Numero 20:17

Emun egkehimu ne ituǥut nu kenami is kebayà diyà te tanè nu. Kenè key ebayà diyà te menge bevesukè nu etawa pemuleey nu te paras wey kenè key ed-inum diyà te teheb. Diyè key zà ed-ikul te zekelà he beyeey ne kenè key en ebpenuweysuwey taman te ebpekeǥawas key puun te tanè nu.”

Deuteronomio 28:14

Umbe, kenè niw repasa is minsan hengkey he idsuǥù ku keniyu ǥuntaan, ne kenè kew medsunud te zuma he menge ed-ezapen wey kenè kew penilbi kandan.

Deuteronomio 5:32

“Umbe purungi niw te edtuman is inmandù te Nengazen he Megbevayè niw keniyu. Kenè niw supaka is minsan sevaha zà duen te menge suǥù din.

Josue 1:7

Basta mebpekelig-en ka wey mebpekevurut ka utew. Purungi nu sunuza is langun he kesuǥuan he imbeǥey kenikew ni Moises te suluǥuen ku. Kenè nu heini engkezi, su para medlampus ka te langun he ebeelan nu.

1 Samuel 1:26

Migkeǥiyan ni Hana si Eli te, “Datù, egketenuzan nu pa vuwa, iyan a kes bahi he midhitindeg kayi zengan is ebpengemuyù diyà te Nengazen.

1 Samuel 17:55

Hein naahà ni Saul si David he ed-uvey ki Goliat he ebpekidtebek, mid-insaan din si Abner he peremandar te menge sundaru te, “Abner, hentei ves ki anak heeyan is betan-en?” Midtavak si Abner te, “Wazè ku metueni, Mahal he Hadì.”

1 Samuel 20:3

Midtavak si David te, “Netuenan te amey nu he utew ki teleelukuy, umbe ed-elesan ke zin te planu zin he edhimetayan e zin su kela ke mebmesakit is gehinawa nu. Piru egkeǥiyen ku kenikew ziyà te etuvangan te uuyag he Nengazen, he ǥuntaan ebpemiligru-a te kemetayen.”

1 Samuel 25:26

“Umbe guntaan, kenà egkesuat is Nengazen he mekevales ka wey mekepatey ka. Ibpenangdù ku ziyà te uuyag he Nengazen wey ziyà te kenikew he is menge kuntada nu wey is langun he egkesuat he ebpesipala kenikew ne meiringi zan is egkeulaula ki Nabal.