2 Samuel 13:39 - Manobo Western Bukidnon OT

³⁹ Hein malù en neulii si Hadì David te kegkeseeng din te kegkepatey ki Amnon, ne ebulungen sikandin ki Absalom.

2 Samuel 13:39 ပူးပေါင်းရင်းမြစ်များ

Genesis 24:67

Ne miduma ni Isaac si Rebeka ziyà te tulda he mid-ubpaan dengan te iney zin he si Sara. Ne neked-esawa zan ne utew mibmahal ni Isaac si Rebeka. Human maawà is seeng ni Isaac tenged te kebpatey te iney zin.

Genesis 31:30

Netuenan ku he utew ka ebulunga ziyà te keniyu, umbe egkesuatan nu en he mekeulì ka. Piru maan is midtakew nu is menge ed-ezapen ku?”

Genesis 37:35

Midhendutun te kandin is langun he menge anak din su edlenganen dan, piru wazà maawà is kegkeseeng din. Ke sikandin te, “Beleǥaza ad keniyu! Iyan ibpatey ku is kegkeseeng ku tenged te kebpatedany te anak ku.” Ne midsigudu en sikandin medsineǥew tenged ki Jose.

Genesis 38:12

Ne hein neuǥet en minatey is esawa ni Juda. Ne hein netapus is timpu te kedlalew zin, ne midhendiyà sikandin te menge peraalut te menge kerehidu zin diyà te Timnah. Duma zin te midhendutun is emiǥu zin he si Hira he tig-Adulam.

2 Samuel 14:1

Netuenan ni Joab he anak ni Zeruya he ebulungen si Hadì David ki Absalom.

Salmo 119:20

Seled en te langun he timpu is kegkesuat ku he mesavut ku is kesuǥuan nu.

Salmo 84:2

Egkesuat a utew he edhendutun! Mibulung ad te kedseled diyà te valey nu, He Nengazen. Is tivuuk he ǥehinawa ku engkanta te kegkelipey tenged kenikew te uuyag he Megbevayà.

Deuteronomio 28:32

Egkemetmetahan niw is kebihaǥa te menge anak niw te ebpuun te senge nenasyun en, ne andew-andew is kedteǥazi niw te kebpekelikù dan, piru wazè niw egkehimu.